මෙරටින් වාර්තා වු පළමු කොවිඩ් නයින්ටීන් හෙවත් නව කොරෝනා වෛරසය ආසාදිත වු රෝගීයා ජාතික උණ රෝහලෙහි ප්‍රතිකාර ලබමින් සිටන බව රජය පවසනවා.
පනස් දෙහැවිරිදි සංචාරක මඟ පෙන්වන්නෙක් වන ඔහු අවසන් වරට ඉතාලි සංචාරක කණ්ඩායමකට සිය සේවය සපයා ඇත.
අදාළ රෝගියාගේ වෛද්‍ය වාර්තා අනුව ඔහුට නව කොරෝනා වෛරසය ආසාදනය වී ඇති බවට මූලික පරීක්ෂණවලින් අනාවරණය වී ඇති බවයි වසංගත රෝග විද්‍යා ඒකකයේ අධ්‍යක්ෂ වෛද්‍ය සුදත් සමරවීර පවසන්නේ.
එය තවදුරටත් තහවුරු කරගැනීම සඳහා MRI පරීක්ෂණ සිදු කිරිමට නියමිත බව වෛද්‍යවරයා වැඩි දුරටත් සඳහන් කරයි.
මෙම තත්ත්වයත් සමඟ කොරෝනා වෛරසය හෙවත් COVID-19 ශ්‍රී ලංකාව තුළ ව්‍යාප්ත වීමේ අවදානමක් පවතින හෙයින් ඉන් වැළකීම සඳහා ආරම්භ කර ඇති වැඩපිළිවෙළට සහාය වන්නැයි රජය ජනතාවගෙන් ඉල්ලා සිටී.
විදේශ ගතව සිටිනු ශ්‍රී ලාංකිකයන් තිදෙනෙකුට කොරෝනා වෛරසය අසාදිත වී ඇති බව මේ වන විට තහවුරු වී ඇත.
ඉන් රෝගීන් දෙදෙනෙක් එක්සත් ආරබි එමීර් රාජ්‍යෙයන් වාර්තා වන අතර අනෙක් රෝගියා ඉතාලියේ ප්‍රතිකාර ලබයි.
Facebook Comments
