දැඩි මතධාරි සිංහල බෞද්ධයන්ගෙන් මුස්ලිම්වරුන්ට දිගින් දිගටම එල්ල වන තර්ජන වලට විසඳුමක් ලබා දීමට ආණ්ඩුව නියෝජනය කරන මැති ඇමැතිවරුන් ජනපති අගමැති දෙපලට දින තිහක කාලයක් ලබා දී තිබේ.
ඇතැම් බෞද්ධ භික්ෂුන්ගෙන් සහ දැඩි මතධාරි සිංහල බෞද්ධයන්ගෙන් මුස්ලම්වරුන්ට එරෙහිව වෛරී සහගත උද්ඝෝෂණ, බිය ගැන්වීම්, ප්‍රචණ්ඩ ක්‍රියා සහ තර්ජන දිගටම සිදු කෙරෙන බව සඳහන් කරමින් යහපාලන රජයේ නායකයන් දෙපලට යවා ඇති ලිපියෙන් අම්පාර, දිගන, තෙල්දෙණිය සහ මහනුවර ඇතුළු වෙනත් නගර වල සිදුවූයේ ක්ෂණික ප්‍රතිචාර දැක්වීමක් නොව මුස්ලිම් ආර්ථිකය සහ චිත්ත ධෛර්යය විනාශ කිරීම අරමුණු කොටගත් සැලසුම් ප්‍රචණ්ඩතා බව අවධාරණය කර ඇත.
“මෙම තර්ජන සම්බන්ධයෙන් මුස්ලිම් ප්‍රජාවට දින තිහක් ඇතුලත ස්ථිරසාර විසඳුමක් ලබා දෙන මෙන් නිහතමානීව ඉල්ලා සිටීමට ඔබතුමන්ට මෙම ලිපිය ලියමු,” යි පාර්ලිමේන්තුව නියෝජනය කරන මුස්ලිම් මැති ඇමතිවරුන් සියලු දෙනාගේම අත්සනින් මුල්ම වතාවට යවන ලද ඒකාබද්ධ ලිපයෙහි සඳහන් වේ.
එම සියලු ප්‍රචණ්ඩ ක්‍රියා මුදා හරිනු ලැබුවේ පොලිසිය හා හමුදාව බලා සිටියදී බවට චෝදනා කරන එම ලිපිය ටපුරා හදිසි නීතිය ක්‍රියාත්මක් වෙද්දී ඇඳිරි නීතිය බලපැවැත්වූ ප්‍රදේශ වල නිදහසේ සැරිසැරු අන්තවදි කල්ලි නිදැල්ලේ ප්‍රචණ්ඩ ක්‍රියා වල යෙදුන බව ද ප්‍රකාශ කර තිබේ.
දඬුවම් නැති අපරාධ
මුස්ලිම් විරෝධි ප්‍රහාරයන්ට සම්බන්ධ සියලුදෙනා වහාම අත් අඩංගුවට ගෙන ඔවුන්ට සිවිල් හා දේශපාලන අයිතීන් පිලිබඳ ජාත්‍යන්තර සම්මුතිය (ICCPR) යටතේ නඩු පවරන ලෙස මුස්ලිම් මැති ඇමැතිවරුන් ජනපති හා අගමැතිට යොමු කල ලිපියෙන් ඉල්ලා සිටි.
රටේ අධිකරණ ක්‍රියාදාමයත් මුස්ලිම් විරෝධී වෛරී ප්‍රචාර සම්බන්ධයෙන් දක්වා ඇත්තේ ‘ඇල්මැරුනු’ ප්‍රතිචාරයක් යැයි ද එම ලිපියෙන් චෝදනා කර ඇත.
පසුගිය පාලන සමයේ දීත් බෞද්ධ කැරලිකාරීන් විසින් අලුත්ගම දී ගසන ලද ප්‍රහාර සම්බන්ධයෙන් මුස්ලිම්වරුන්ට විසින් පැමිණිලි 44ක් ගොනු කර තිබුනත් මේ වනතුරු අපරාධකරුවන්ට විරුද්ධව කිසිදු පියවරක් ගෙන නැති බව සිහිපත් කරන මැති ඇමැතිවරු යහපාලන යටතේත් එම තත්වයට මුහුණ දීමට සිදු වීම ගැටුම් උත්සන්න වීමට හේතු විය හැකි බවට අනතුරු අඟවයි.
Facebook Comments
