නිරෝධායනය මග හැර රට තුලට පැනගත් බවට චෝදනා කරමින් ප්‍රසිද්ධ කරන ලද නාම ලේඛනයක වැරදි තොරතුරු ඇතුලත් කිරීම ගැන පොලිසිය සමාව අයැද සිටී.
වයස අවුරුදු හතට අඩු ළමුන් නම දෙනකුගේ ඡායාරූප සහිතව ජනමාධ්‍ය වෙත ලබා දුන් පොලිස් නාම ලේඛනයේ නම් කර තිබූ එකම වැඩිහිටි කාන්තාව සම්බන්ධයෙන් පලකළ තොරතුරු වැරදි බවට පසු දිනම නිවේදනයක් නිකුත් කරමින් පොලිස් මුලස්ථානය පැවසීය.
එහි සඳහන් කුඩාම දරුවාගේ වයස මාස 4 කි. ඒ 12 දෙනා සොයා ගැනීමට සහාය වන ලෙස පොලිසිය මහජන සහාය ඉල්ලා තිබුනි.
රට තුළ ඉන්නා බවට පන්නිපිටියේ ලිපිනයක්ද සහිතව නිවේදනය කරන ලද කාන්තාව මාර්තු 8 වන විට ප්‍රංශයට පිටව ගොස් ඇති බව පොලිසිය දැන් පවසයි.
“මෙම නිවේදනය හේතුවෙන් ඉහත සඳහන් තැනැත්තිය යම් අපහසුවකට ලක්වී නම් ඒ පිළිබඳව කණගාටුව පල කරමි,” යි අත්සනක් හෝ නමක් නොමැතිව පොලිස් මාධ්‍ය කොට්ඨාශය විසින් 24 අඟහරුවාදා නිකුත් කළ නිවේදනයේ සඳහන් වෙයි.
ඕනෑකර තිබෙන පුද්ගලයන් ලෙස බාල දරුවන්ගේ නම් සහ ඡායාරූප පල කිරීම හෝ කාන්තාවගේ පමණක් ලිපිනය පල කිරීම හෝ සම්බන්ධයෙන් පොලිස් මුලස්ථානය නව නිවේදනයේ කිසි පැහැදිලි කිරීමක් කර නැත.
Facebook Comments
