ශ්‍රී ලංකාව තුළ මේ වන විට පවතින තත්වය හමුවේ වුවද ජාතික ලිංගාශ්‍රිත රෝග හා ඒඩ්ස් මර්දන වැඩසටහනේ සායන වලින් ප්‍රතිකාර ලබා ගන්නා පුද්ගලයන්ට අවශ්‍ය සේවා සැපයීමට විශේෂ වැඩ පිළිවෙලක් සකස් කර ඇති බව සෞඛ්‍ය අමාතාංශයේ ජාතික ලිංගාශ්‍රිත රෝග හා ඒඩ්ස් මර්දන වැඩ සටහන සදහන් කරයි.
කොළඹ පිහිටි මධ්‍යම සායනය මගින් සදුදා සිට සෙනසුරාදා දක්වා පෙරවරු අටේ සිට දහවල් දොළහ දක්වා ඖෂධ නිකුත් කිරීම හා සේවා ලබා දීම සිදු කරන බව සෞඛ්‍ය ප්‍රවර්ධන කාර්යාංශයේ, සෞඛ්‍ය අධ්‍යාපන හා ප්‍රචාර අධ්‍යක්ෂ විශේෂඥ වෛද්‍ය පාලිත කරුනාපේම විසින් නිකුත් කර තිබෙන නිවේදනයක් මගින් මහජනතාවට දැනුම් දී ඇත.
ජාතික ලිංගාශ්‍රිත රෝග හා ඒඩ්ස් මර්දන වැඩසටහනේ අධ්‍යක්ෂ විශේෂඥ වෛද්‍ය රසාංජලී හෙට්ටිආරච්චි පවසන්නේ තමන්ට නියමිත සායන වෙත පැමිනීමට අපහසු පුද්ගලයන්ට තමන්ට ලගම සායනයට පැමිනිය හැකි බවයි.
දිවයින පුරා පිහිටි ජාතික ලිංගාශ්‍රිත රෝග හා ඒඩ්ස් මර්දන වැඩසටහනේ සායනවල දුරකථන අංක තම ආයතනයේ වෙඩි අඩවිය වන www.aidscontrol.gov.lk වෙත පිවිසීමෙන් ලබා ගත හැකි බව ඇය සදහන් කරයි.
ජාතික ලිංගාශ්‍රිත රෝග හා ඒඩ්ස් මර්දන වැඩසටහනේ සායන වලින් ප්‍රතිකාර ලබා ගන්නා පුද්ගලයන්ට ප්‍රතිකාර ලබා ගැනීම සදහා ජංගම දුරකථනයට යොමු කර තිබෙන කෙටි පනිවිඩය ( SMS ) පොලිස් නිලධාරීන්ට පෙන්වීමෙන් එය ඇදිරිනීති බලපත්‍රයක් ලෙස භාවිත කළ හැකි බවද විශේෂඥ වෛද්‍ය රසාංජලී හෙට්ටිආරච්චි වැඩි දුරටත් සදහන් කරයි.
මේ සම්බන්ධ යෙන් වැඩි විස්තර ජාතික ලිංගාශ්‍රිත රෝග හා ඒඩ්ස් මර්දන වැඩසටහනේ අධ්‍යක්ෂ විශේෂඥ වෛද්‍ය රසාංජලී හෙට්ටිආරච්චි (0718147182) හා මාධ්‍ය සම්බන්ධීකාරක ජානක සුනෙත් බණ්ඩාර (0714327387) ඇමතීමෙන් ලබා ගත හැක.
Facebook Comments
