දෙවැනි කොරෝනා රැල්ලක් මතුවීමේ අවදානමක් (VIDEO)

0
695
Ivory Agency Sri Lanka
wedding people

ශ්‍රී ලංකාව තුළ දෙවැනි කොරෝනා රැල්ලක ඉඩකඩ පවතින බවට අනතුරු අඟවන හිටපු අග්‍රාමාත්‍යවරයා කොරෝනා ආසාදිතයන් හදුනාගැනීම සදහා සිදු කරන පරීක්ෂණ ප්‍රමාණය වැඩි කරන ලෙස නැවත නැවතත් ආණ්ඩුවට බල කර සිටී.

දැනට රටේ දෛනිකව සිදු කරනුයේ කොවිඩ් පරීක්ෂණ දාහකට අඩු ප්‍රමාණයක් බව පෙන්වා දෙන එක්සත් ජාතික පක්ෂයේ නායකයා සදහන් කරන්නේ එම ප්‍රමාණය තුන් ගුණයක් දක්වා ඉහල නැංවිය යුතු බවයි.

කොරෝනා වෛරසය ව්‍යාප්තිය පාලනය කිරීම පිණිස මාසයක කාලයක් පුරා මුළු දිවයිනටම පනවනු ලැබූ ඇඳිරි නීතිය අප්‍රේල් 20 සදුදා සිට ලිහිල් කිරිමට රජය තීරණය කර තිබෙන පසුබිමක් තුළ අප්‍රේල් 19 හවස සමාජ මාධ්‍ය වෙත විශේෂ ප්‍රකාශයක් සිදු කරමින් ශ්‍රී ලංකාවේ සිව් වතාවක් රනිල් වික්‍රමසිංහ අවධාරණය කර ඇත්තේ වෛරසය ව්‍යාප්තවීම සාර්ථක ලෙස පාලනය කිරීමට නම් තනි තනි පරීක්ෂණ මෙන්ම පොකුරු පරීක්ෂණ ද වැඩි වැඩියෙන් සිදුකර කඩිනමින් රෝගීන් හඳුනා ගත යුතු බවයි.

ඇඳිරි නීතිය ලිහිල් කරමින් රජය නිකුත් කර ඇති නිවේදනයද අනතුරු අඟවා ඇති පරිදි වසංගත අවදානම තවමත් පහව ගොස් නැත. කෝවිඩ් 19 අනතුර දුරු වී ඇති බවට ලංකාදීප පුවත්පත විසින් පලකරන ලද මුල් පුවතක ශීර්ෂ පාඨය නොමග යවන සුළු බව සෞඛ්‍ය අධ්‍යක්ෂ ජනරාල්වරයා විශේෂ ප්‍රකාශයක් කරමින් කියා තිබුණි.

මෙරට 30000 ක් පමන රෝගයට භාජනය විය හැකි බවට සෞඛ්‍ය විශේෂඥයන් පෙන්වා දී ඇති බව පවසන එක්සත් ජාතික පක්ෂයේ නායකයා එහිදී වැඩි දුරටත් සදහන් කර සිටියේ එවැනි තත්වයක් හෝ එයට වඩා අසීරු තත්වයකට මුහුණ දීමට හෝ සුදානමි විය යුතු බවයි.

“දැනට අපේ රටේ රෝග ව්‍යාප්තිය පාලනය වී තිබුනත්, දෙවැනි කැරැල්ලක් මතු වීමේ ඉඩකඩ අපිට බැහැර කරන්න බෑ. ඒ වගේම දෙවන වතාවටත් රෝගය වැළදීමේ ඉඩකඩත් තියනවා.සෞඛ්‍යයට සම්බන්ධ සමහර වෘත්තියවේදීන් පවසන්නේ අපේ රටේ රෝගයට භාජනය වන සමස්සංඛ්‍යාව තිස් දහසකට වඩා වැඩි විය හැකි බවයි.”

දකුණු කොරියාව, නවසීලන්තය සහ ජර්මනිය යනාදී රටවල් රෝගීන් පරීක්ෂා කිරීමේ ප්‍රමාණය හැකි පමණින් ඉහල නැංවා ඇති අතර වැඩි වශයෙන් රෝගීන් හදුනාගැනීමත් සමගම රෝග ව්‍යාප්ත වීම සාර්ථක ලෙස පාලනය කිරීමට හැකි බව හිටපු අගමැතිවරයාගේ අදහසයි.

කොරෝනා වෛරස් ආසාදිතයන් හදුනා ගැනීම සදහා සිදු කරන වෛද්‍ය පරීක්ෂණ ප්‍රමාණය ඉහළ දැමිය යුතු බවට ලෝක සෞඛ්‍ය සංවිධානය විසින් නිරන්තරයෙන් කෙරෙන අවධාරණයකි.

රෝගීන් හදුනා ගැනීම වෙනුවෙන් සිදු කෙරෙන පරීක්ෂණ ප්‍රමාණය වැඩි කර සමාජ දුරස්ථකරණය පියවරෙන් පියවර ලිහිල් කරමින් ආර්ථිකය යළි පන ගැන්වීමට අවශ්‍ය පියවර ගන්නා ලෙස එක්සත් ජාතික පක්ෂයේ නායකයා ආණ්ඩුවෙන් වැඩි දුරටත් ඉල්ලා සිටී.

ඇඳිරි නීතිය ලිහිල් කිරීම

කොරෝනා වෛරසය ව්‍යාප්තිය පාලනය කිරීම පිණිස සිදු කරන වෛද්‍ය පරීක්ෂණ ප්‍රමාණය වැඩි කරන ලෙස රජයට විවිධ පාර්ශව වලින් බලපෑම් එල්ල වද්දී ජන ජීවිතය යථා තත්ත්වයට පත් කිරීමේ අරමුණ ඇතිව බව පවසමින් මාසයක් පුරා දිවයිනට පනවා තිබු ඇදිරී නිතිය අප්‍රේල් 20 සදුදා සිට ලිහිල් කිරීමට රජය තීරණය කර තිබේ.

ඒ කොවිඩි 19 ආසාදිත පුද්ගලයන් 15 දෙනකු අප්‍රේල් 19 දින කොළඹින් වාර්තා වී තිබියදීය.

Facebook Comments