මැතිවරණ පවත්වන දිනය ගැන මැකෝගෙන් දෙබිඩි කතා

0

මහ ඡන්දය පැවැත්වීමට දින නියම කිරීම සඳහා උසාවියේ මගපෙන්වීම ලබාගන්නා ලෙස ජනාධිපතිවරයාගෙන් ඉල්ලා සති තුනක් ගතවන්නටත් පෙර මැතිවරණ කොමසාරිස් වරයා විසින් ඒ වගකීම තමන් වෙතම පවරා ගනිමින් ඡන්ද දායකයන් විමතියට පත් කර තිබේ.

මහ මැතිවරණය පැවැත්වීම සම්බන්ධයෙන් තීන්දු ගැනීමට මැතිවරණ කොමිෂම රැස්වීමට නියමිත අතරවාරයේ මැතිවරණ කොමිෂමේ සභාපති මහින්ද දේශප්‍රිය තමන්ගේ ‌‌ෆේස් බුක් ගිනුමේ සදහන් කර ඇත්තේ කල් තබා ඇති මැතිවරණය පැවැත්වීමේ දින වකවානු තීරණය කිරීමේ බලය මැතිවරණ කොමිෂන් සභාව සතු බව යි.

“කල් තබා ඇති මැතිවරණය පැවැත්වීමේ දින වකවානු තීරණය කිරීමේ බලය මැකොස සතුය. ඒ පිළිබඳව විවිධ අදහස් ජන මාධ්‍ය තුළ පළවූ නමුත් එම දින වකවානු තීරණය කිරීම පිළිබඳව එනම් කල් තබන ලෙස හෝ කඩිනමින් පවත්වන ලෙස හෝ නොයෙකුත් අදහස් ප්‍රකාශ වුවද ඒ කිසිවකින් මැතිවරණය කල් තැබීමට හෝ පැවැත්වීමට හෝ මැකොසට නියම කිරීමේ බලපෑම් කළ නොහැකිය,” යි ඔහු සටහන් කර තිබුනි.

මේ ප්‍රකාශය මැතිවරණ කොමිෂන් සභාවේ සභාපතිවරයාගේ පසුගිය මාර්තු 31 දාතමින් හා ඒයට පසුදින ඒනම් අප්‍රේල් 01 දිතමින් ජනාධිපතිවරයා වෙත යොමු කල ලිපි වලට පරස්පර බවක් පෙනේ.

ඒ ලිපි මගින් මැතිවරණ කොමිෂමේ සභාපති මහින්ද දේශප්‍රිය විසින් අවධාරණය කර තිබුනේ වැඩිවන කෝවිඩ් 19 රෝගින් සංඛ්‍යාව සලකන කල, මේ රෝගය සම්පූර්ණයෙන්ම පාලනය කිරිම අප්‍රේල් මාසය තුළ කළ නොහැකි බව පැහැදිලි බවය.

“එහෙයින් පාර්ලිමේන්තු මැතිවරණය මැයි මස අවසන් සතිය තුළදී හෝ පැවැත්විය නොහැකි බවත්, එනිසා පාර්ලිමේන්තුව විසුරුවන ලද මාර්තු 2 දින සිට මාස තුනක් ඉකුත් වීමට පෙර නව පාර්ලිමේන්තුව රැස්විය නොහැකි බවත්, 2020.04.01 දින රැස්වූ මැතිවරණ කොමිෂන් සභාව නිරීක්‍ෂණය කරයි. මේ නිසා ඇති වන ගැටලු විසඳා ගැනීම සඳහා ගරු ශ්‍රේෂ්ඨාධිකරණයෙ මඟ පෙන්වීමක් ලබා ගැනීමට ගරු ජනාධිපතිතුමා කඩිනමින් ක්‍රියා කිරීම යෝග්‍ය බව මැතිවරණ කොමිෂන් සභාව අදහස් කරයි,” යනුවෙන් එම ලිපියෙන් අවධාරණය කර තිබේ.

අනතුරුව මේ සම්බන්ධයෙන් අප්‍රේල් 06 වැනිදා ජනාධිපති ලේකම් විසින් නිකුත් කළ පිලිතුරු ලිපියෙන් හා අගමැතිවරයා විද්‍යුත් ජනමාධ්‍ය මගින් කළ ප්‍රකාශයෙනුත් පෙන්නුම් කර තිබුනේ ඡන්ද විමසීමේ දිනය නියම කිරිම මැතිවරණ කොමිෂමේ වගකිමක් වන අතර මැතිවරණ කොමිෂමේ කාර්යයන්ට සහ මගකීම් වලට මැදහත්වීමට තමන් අදහස් නොකරන බවයි.

Facebook Comments

wedding people