පාර්ලිමේන්තුව විසුරුවා තුන් මාසයයි, ජන්දය තියන්න අවසරයි

0
116
Ivory Agency Sri Lanka
HailHost
wedding people

ජනාධිපතිවරයා විසින් පාර්ලිමේන්තුව විසුරුවා තුන් මසක් පිරෙනා දා පාර්ලිමේන්තුව විසුරුවා හැරීම සහ ජුනි මස 20 වන දා මහ මැතිවරණය පැවැත්වීම අභියෝගයට ලක්කරමින් ගොනුකර ඇති මුලික අයිතිවාසිකම් පෙත්සම් විභාගයට නොගෙන ප්‍රතික්ෂේප කිරීමට ඉහල අධිකරණය තීන්දු කර තිබේ.

දින 10ක් පුරා දිග්ගැස්සුන පෙත්සම්කරුවන්ගේ කරුණු සළකා බැලු ශ්‍රේෂ්ඨාධිකරණයේ පංච පුද්ගල විනිසුරු මඩුල්ල 02 අඟහරුවාදා මෙම තීන්දුව ප්‍රකාශයට පත් කළේය.

අගවිනිසුරු ජයන්ත ජයසූරිය, බුවනෙක අලුවිහාරේ, සිසිර ද ආබෲ, ප්‍රියන්ත ජයවර්ධන සහ විජිත් මළල්ගොඩ යන මහත්වරුන්ගෙන් සමන්විත පංච පුද්ගල ශ්‍රේෂ්ඨාධිකරණ විනිසුරු මඩුල්ලේ මෙම පෙත්සම සළකා බලන ලදී.

පංච පුද්ගල විනිසුරු මණ්ඩලයේ තීන්දුව ප්‍රකාශයට පත් කළ අගවිනිසුරු ජයන්ත ජයසූරිය පෙත්සම් සම්බන්ධයෙන් වගඋත්තරකාර පාර්ශ්වය විසින් මතු කරනු ලැබූ මූලික විරෝධතා පංච පුද්ගල විනිසුරු මඩුල්ලේ බහුතර විනිසුරුවරුන්ගේ එකඟත්වය මත ප්‍රතික්ෂේප කිරීමට තීරණය කරන ලද බව කියා සිටියේය.

ජූනි මස 20 වනදා මහ මැතිවරණය පැවැත්වීම සහ ජනාධිපතිවරයා විසින් පාර්ලිමේන්තුව විසුරුවා හැරීම අභියෝගයට ලක්කරමින් සමගි ජන බලවේගය, ශ්‍රී ලංකා මුස්ලිම් කොංග්‍රසය, විකල්ප ප්‍රතිපත්ති කේන්ද්‍රය, මාධ්‍යවේදී වික්ටර් අයිවන් ඇතුළු පාර්ශව කිහිපයක් විසින් ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සම් ගොනු කළේය.

මෙම පෙත්සම් වල වගඋත්තරකරුවන් ලෙස මැතිවරණ කොමිසම , එහි සභාපති මහින්ද දේශප්‍රිය ඇතුළු සාමාජිකයින් වන ජනාධිපති නීතිඥ එන්.ජේ. අබේසේකර, මහාචාර්ය රත්නජීවන් හූල් , ජනාධිපති ලේකම් ආචාර්ය පී.බී.ජයසුන්දර ,සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ සහ නීතිපති නම් කරනු ලැබ සිටිති.

එම පෙත්සම් වලට එරෙහිව පූජ්‍ය මුරුත්තෙට්ටුවේ ආනන්ද හිමි, පූජ්‍ය අතපත්තුකන්දේ ආනන්ද හිමි ආචාර්ය ගුණදාස අමරසේකර නීතිඥ ප්‍රේමනාත් දොලවත්ත මහතා ඇතුළු පාර්ශව 15 ක් විසින් අතරමැදි පෙත්සම් ගොනුකර තිබුනි.

ව්‍යවස්ථාවෙන් පැවරී ඇති බලතල අනුව ජනාධිපති ගෝඨාභය රාජපක්ෂ විසින් මාර්තු 02 වනදා පාර්ලිමේන්තුව විසුරුවා අප්‍රිෙයල් මස 25 දින මහ මැතිවරණය පැවැත්වීමට තීන්දු කළද රට පුරා පැතිරි ගිය කොරෝනා වෛරසය හේතු කර ගනිමින් දින නියමක් නොමැතිව මැතිවරණය කල් දැමීමට මැතිවරණ කොමිසම තීන්දු කළේය.

ඉන් පසුව මැතිවරණයට ඉදිරිපත් වී සිටින පක්ෂ හා ස්වාධීන කණ්ඩායම් සමග සාකච්ඡා කරන ලද මැතිවරණ කොමිසම ජුනි මස 20 වනදා මහ මැතිවරණය පැවැත්වීමට තීන්දු කළ තිබු අතර මෙම පෙත්සම් විභාග වන අවස්ථාවේ රටේ පවතින අහිතකර සෞඛ්‍ය තත්ත්වය හමුවේ පනවා ඇති තහංචි නිසාවෙන් එදින ද මැතිවරණය පැවැත්වීමට නොහැකි බව අධිකරණයට දැනුම් දුන්නේය.

Facebook Comments

HailHost