එක්සත් ජාතික පක්ෂයෙන් මහ මැතිවරණයට ඉදිරිපත්වී සිටින ජ්‍යෙෂ්ඨ වාමාංශික නායකයෙකු ට ජන්දය ලබා දෙන ලෙස ජවිපෙ ප්‍රමුඛ ජාතික ජන බලවේගයේ ජාතික ලැයිස්තු අපේක්ෂකයෙකු ඉල්ලා තිබේ.
එජාප කළුතර දිස්ත්‍රික් ලයිස්තුවෙන් මහ මැතිවරණයට තරඟ කරන නව සම සමාජ පක්ෂයේ නායක මහාචාර්ය වික්‍රමබාහු කරුණාරත්න පාර්ලිමේන්තුවට තේරීපත්වුවොත් එය රටට විශාල සම්පතක් බවයි ලෝව ප්‍රකට විද්වතෙකු වන මහාචාර්ය කුමාර් ඩේවිඩ් පවසන්නේ.
ඔහු එම ඉල්ලීම කර ඇත්තේ මාධ්‍යවේදීන් ඇතුළු වාමාංශික හා සිවිල් සමාජ ක්‍රියාධරයන් වෙත යොමු කළ විද්‍යුත් තැපැල් පනිවිඩයක් මගිනි.
“මම ඉල්ලා සිටින්නේ කළුතරින් බාහුට ඡන්දය දෙන ලෙසයි. ” එය වඩාත් අවධාරණය කිරීම සදහා මහාචාර්ය කුමාර් ඩේවිඩ් එම වාක්‍ය තද රතු පැහැයෙන් සටහන් කර තිබේ.
” එක් අතකින් ගත්කළ එය එක්සත් ජාතික පක්ෂය වෙනුවෙන් අපතේ ගිය ඡන්දයක් විය හැකිය. නමුත් බාහු පාර්ලිමේන්තුවේ ඉන්නා අනෙක් හොරුන්ට වඩා දහස් වාරයක් වටිනවා.බාහු පාර්ලිමේන්තු ගියොත් එය රටට විශාල සම්පතක් වේවි, ”
කළුතර දිස්ත්‍රික්කයේ හැර අනෙක් සෑම දිස්ත්‍රික්කයකම ජන්ද තමන් නියෝජනය කරන ජනතා විමුක්ති පෙරමුණට ලබා දෙන ලෙස මහාචාර්ය කුමාර් ඩෙිවිඩ් ඉල්ලා සිටී.
Facebook Comments
