යුරෝපයේ එල්ටීටීඊ තහනම ඉවතට

0

යුරෝපා සංගමය තුල එල්ටීටීඊ සංවිධානයට එරෙහිව පනවා ඇති තහනම ඉවත් කළ යුතු බවට යුරෝපා අධිකරණයේ ඉහලම නීති උපදේශිකාවක් තීරණය කොට ඇත.

එල්ටීටීඊය සහ පලස්තීනයේ හමාස් සංවිධානයේත් තැනම දිගටම පවත්වාගෙන යාම සඳහා යුරෝපා සංගමය කළ ඉල්ලීම ඉවත ලන ලෙස යුරෝපා විනිශ්චයාධිකරණයේ නීතිපති ජනරාල් එලනෝර් ෂාප්ස්ටන් උපදෙස් දී තිබේ.

එම සංවිධාන ත්‍රස්තවාදී සංවිධාන බවට තහවුරු කිරීම සඳහා අදාළ සංවිධාන ක්‍රියාත්මක වූ මෙන්ම ක්‍රියාත්මක වෙන රටවල් ප්‍රමාණවත් තරම් සාක්ෂි ඉදිරිපත් කිරීමට අපොහොසත්ව ඇති බව මෙම උපදේශකයා විසින් පෙන්වා දී ඇත.

කෙසේ වෙතත් මෙම සංවිධාන දෙක යුරෝපා සංගමයේ ත්‍රස්ත සංවිධාන ලැයිස්තුවෙන් ඉවත්වීමට අවශ්‍යනම් ඒ පිළිබඳව යුරෝපා සංගමයේ රාජ්‍යයන් සමග දිගු කාලීන වශයෙන් අධිකරණ කටයුතු සිදුකිරීමට සිදුවෙනු ඇති බව විදෙස් වාර්තා පෙන්වා දෙයි.

2014 වසරේදී හමාස් සංවිධානය හා එල්.ටී.ටී.ඊ. සංවිධානය ත්‍රස්ත සංවිධාන බවට නම් කිරීම තාවකාලිකව නැවැත්වීමට යුරෝපා සංගමයේ දෙවැනි උපරිමාධිකරණය තීරණය කළේය.

Facebook Comments

wedding people