පොලිසිය මානව හිමිකම් එළිදක්වයි

0

පොලිස් අත්අඩංගුවේ සිටින තැනැත්තන්ගේ අයිතිවාසිකම් පොලිස් දෙපාර්තමේන්තුව විසින් ප්‍රසිද්ධියට පත් කර තිබේ.

ශ්‍රී ලංකා මානව හිමිකම් කොමිෂන් සභාව පසුගියදා ප්‍රකාශ කර තිබුනේ 2020 ජුනි මස සිට ඔක්තෝබර් 20 දක්වා හාරමාසයක කාලය තුළ පොලිස් අත්අඩංගුවේදී මිය යෑම් අටක් වාර්තා වී ඇති බවයි.

පොලිස් දෙපාර්තමේන්තුවේ නිල පුවත් වෙබ් අඩවියේ සදහන් කරන පදිරි අත්අඩංගුවේ සිටින තැනැත්තන්ගේ හිමිකම් පහත පරිදිය.

‘ඔබව කිසිවිටෙක වෙනස් කමකට හෝ විශේෂයකට භාජනය නොකළ යුතුය,

ඔබට නීතියේ රැකවරණය සර්ව සාධාරණව හිමිවිය යුතුය,

ඔබව ශාරීරික හෝ මානසික වධහිංසාවට යටත් කළ නොහැකිය,

නීතියේ සදහන් පරිදි මිස කිසිම තැනැත්තෙකු අත්අඩංගුවට ගැනීම හෝ රදවා තබා ගැනීම කළ නොහැක,

අත්අඩංගුවට ගෙන පැය 24 ක් හෝ සාධාරණ කාලයක් තුළ මහේස්ත්‍රාත්වරයකු වෙත ඔබව ඉදිරිපත් කළ යුතුය,

අත්අඩංගුවට ගැනීමේ හේතුව ඔබට දැනුම් දිය යුතුය,

අත්අඩංගුවට ගෙන ඇති විට ඔබව අවමානයට භාජනය නොකළ යුතුය,

ඔබ කාන්තාවක් නම්, රදවා තබා ගැනීමේදී කාන්තාවක් භාරයේ තබන ලෙස ඔබට ඉල්ලීම් කළ හැක,

ඔබ කාන්තාවක් නම්, සෝදිසි කිරීම විනීතභාවය ඇතිව ස්ත්‍රියක් විසින් කරවන ලෙසට ඔබට ඉල්ලා සිටිය හැක,

නීතිඥ සහාය ලබා ගැනීමට හැකියාව ඇති බැවින්, ඊට අවස්ථාව ලබා ගත හැකිය,

ඥාතීන්ට දැනුම් දෙන ලෙස ඉල්ලීම් කළ හැකිය,

ඔබගේ කිට්ටුම ඥාතීන් ලේ නෑයන් මුණ ගැසීමට, අපරාධ විමර්ශන කටයුතු වලට බාධා නොවන පරිදි අවස්ථාව ලබා ගත හැකිය,

ළගම ඥාතීන් සමග පණිවුඩ හුවමාරු කර ගැනීමට ඔබට නිදහස ඇති බැවින්, අපරාධ විමර්ශන කටයුතු වලට බාධා නොවන පරිදි ඒ පිළිබදව පහසුකම් ඉල්ලා සිටීමට ඔබට අයිතිය ඇත.

එමෙන්ම, වධහිංසාවක දී, මහේස්ත්‍රාත්වරයාට හෝ උසස් පොලිස් නිලධාරීන්ට දැනුම් දීමටද, වෛද්‍ය ප්‍රතිකාර සදහා යොමු කරවන ලෙස ඉල්ලීම් කිරීමටද ඔබට හිමිකම් ඇත.’

Facebook Comments

wedding people