කොළඹ මහ නගර සභාවේ මහජන සෞඛ්‍ය දෙපාර්තමේන්තුව මඟින් ජංගම එන්නත් කිරීමේ වැඩසටහනක් ආරම්භ කර ඇත.
එන්නත් කරන මධ්‍යස්ථානයක් සඳහා යාමට නොහැකි, එක්තැන් වී සිටින පුද්ගලයින් සහ විශේෂ අවශ්‍යතා ඇති පුද්ගලයින් සඳහා නගරාධිපතිනී රෝසි සේනානායකගේ මග පෙන්වීම යටතේ මෙම සේවාව ආරම්භ කිරීමට කටයුතු යොදා තිබේ.
කොළඹ මහ නගර සභා සීමාව තුළ (කොළඹ 1-15 දක්වා) පදිංචි වී සිටින ඕනෑම පුරවැසියෙකුට මෙම විශේෂ සේවාව සඳහා පහත සඳහන් Email ලිපිනය හරහා ලියාපදිංචි වීමේ හැකියාව බවයි කොළඹ මහ නගර සභාව නිවේදනය කරන්නේ.
ඔබගේ නම , ජාතික හැඳුනුම්පත් අංකය, ලිපිනය, ජංගම දුරකථන අංකය, මෙම සේවාව ලබා ගැනීමට හේතුව (කෙටියෙන්) සඳහන් කර ඊ-මේල් පණිවිඩය යොමු කරන්න.
එන්නත්කරණය සඳහා සෞඛ්‍යය නිලධාරීන් පැමිණෙන දිනය සහ වේලාව, එස්.එම්.එස් පණිවුඩයක් මගින් දුරකථනය වෙත ලබා දීම සිදුකරනු ලබයි.
Facebook Comments
