ඉතාමත් අත්‍යාවශ්‍ය කරුණකට හැර කොළඹ නගරයට පැමිණීමෙන් වළකින ලෙස මෙන් කොළඹ මහ නගර සභාවේ නගරාධිපතිනි ඉල්ලා සිටින්නීය.
නිවේදනයක් නිකුත් කරන නගරාධිපතිනි රෝසී සේනානායක ඉල්ලා සිටින්නේ රට තුළ කොරෝනා තත්ත්වය අති දරුණු බැවින් හැකිතාක් නිවෙස්වලටම වී සිටින ලෙසයි.
කොළඹ නගරය පුරා කොරෝනා වෛසරය ඉතාමත් වේගයෙන් ව්‍යාප්ත වී සෑම ප්‍රදේශයකින්ම ආසාදිතයන් වාර්තා වන බවට අනතුරු අඟවන ඇය දිනකට කොරෝනා ආසාදිතයන් ඉතාමත් විශාල පිරිසක් මිය යන බව ද පවසා ඇත.
“මම කොළඹ පදිංචි සියලුම දෙනාගෙන් කාරුණිකව ඉල්ලා සිටිනවා නිවෙස්වලටම වී සිටින්න. ඒ වගේම කොළඹ නගරයට දිනකට පැමිණෙන ලක්ෂ සංඛ්‍යාත පිරිසගෙන් ඉල්ලා සිටිනවා අත්‍යාවශ්‍ය කාරණයකට හැර කොළඹට එන්න එපා. ඔබ කොළඹට එනවා කියන්නේ දැඩි ජීවිත අවධානමකට ලක්වීමක්. ඒ නිසා කොළඹට එන්න පෙර එක්වරක්, දෙවරක් නොවෙයි කිහිප වරක්ම හිතන්න මා මේ සඳහා යා යූතුම ද? මට මේ කාර්යය කර ගැනීමට වෙනත් ක්‍රමයක් නැද්ද ? මම කොළඹට ගියොත් දරුවන්ට, මාගේ අම්මා තාත්තාට කෙරෝනා බෝවිය හැකියි නේද ? යන කරුණු නැවත නැවතත් හිතන්න. ඔබේ සේවා ස්ථානය තිබෙන්නේ කොළඹ නම් සේවා ස්ථානයේ ප්‍රධානියා සමඟ සාකච්ඡා කරන්න. නිවසේ සිට වැඩ කිරිමට කටයුතු යොදා ගන්න.”
මෙතෙක් කෙරෝනා මර්ධන එන්නත ලබා නොගත් කවරෙතු හෝ සිටින්නේ නම් හැකි ඉක්මනින් එන්නත ලබා ගන්නා ලෙස සහ එන්නත ලබා ගත් පමණින් කොරෝනා වලින් සුරක්ෂිත වේ යැයි නොසිතා සෞඛ්‍ය මාර්ගෝපදේශ අනුගමනය කරන ලෙසටයි කොළඹ මහ නගර සභාවේ නගරාධිපතිනි රෝසී සේනානායක වැඩි දුරටත් ජනතාවගෙන් ඉල්ලා සිටින්නේ.
Facebook Comments
