ආණ්ඩුවට මිනිස් ජිවිත වලට වඩා ආර්ථිකය වටිනාවා දැයි ප්රශ්ණ කරන විපක්ෂ මන්ත්‍රීවරයෙකු ආර්ථිකය කඩා වැටීම ගැන ආණ්ඩුවට චෝදනා කර සිටි.
තමන්ගේ ගජමිතුරන්ට සැලකීමට ගොස් ආණ්ඩුව රටේ ආර්ථිකට විනාශ කළ බවට චෝදනා කරන මනුෂ නානායක්කාර මන්ත්‍රීවරයා ජිවිත ආරක්ෂා කර දෙවනුව ආර්ථිකය ගැන කල්පනා කරමු යැයි යෝජනා කර තිබේ.
“අද රට වහල තියෙන නිසා ආර්ථිකය කඩාගෙන වැටෙනවා කියලා මුදල් ඇමැතිවරයා කියනවා. මේ රට ඇරගෙන ඉදලා, රටේ ජනතාවගේ ජීවිත නැතිවුනාම, මිනිස්සු නැති සුසාන භූමියක් කන්නද? මිනිස්සු ලෙඩ වුනාම, දරුවන්ට තාත්තලා අම්මලා අහිමි වුනාම, අම්මලා තාත්තලාට දරුවන් අහිමි වුනාම, ආර්ථිකයක් මොකටද? ඒ වගේ තත්වයක් ඇතුලේ ආර්ථිකය බම්බුගහන්නද?”
“අපිට සියල්ලට වඩා වටින්නේ මිනිස් ජීවිත. ඒ නිසා තමයි රට වහලා හරි මිනිස් ජීවිත ආරක්ෂා කරන්න කියලා අපි ඉල්ලවේ. ආර්ථිකය දෙවනුව කල්පනා කරමු. හැබැයි මේ රටේ ආර්ථිකය විනාශ කරලා දැම්මේ මේ ආණ්ඩුවම තමයි. තමන්ගේ ගජමිතුරන්ට සැලකීමට අවශ්‍ය නිසා, තමන්ගේ ගජ මිතුරන්ට සැලකීමට අවශ්‍ය නිසා, තමයි ආර්ථිකය විනාශ කළේ.”
මිනිස් ජිවිත රුපියල් සත වලින් හෝ මිලියන වලින් මැනිය නොහැකි බව අවධාරණය කරන මන්ත්‍රීවරයා “අපිට අවශ්‍ය මිනිස් ජීවිතවල වටිනාකම තේරුම් යන ආණ්ඩුවක්. මේ ආණ්ඩුවට, මේ පාලකයින්ට මිනිස් ජීවිතවල වටිනාකම තේරෙන්නේ නෑ. මිනිස් ජීවිතවට ලංසු තියන මේ ආණ්ඩුවට ජීවිත ගැන කිසිදු හැගීමක් නෑ.” යි වැඩි දුරටත් කියා සිටියේය.
Facebook Comments
