කියුබානු විප්ලවයේ නියමුවා හා ලෝක පීඩිත ජනයාගේ සටන්කාමීයා වු ෆිදෙල් කස්ත්‍රෝ දිවියෙන් සමු ගෙන තිබේ.
දිවියෙන් සමුගන්නා විට අනු වැනි වියෙහි පසු වු කස්ත්‍රෝ අඩසිය වසකට ආසන්න කාලයක් කියුබාවේ රාජ්‍ය නායකයා ලෙස කටයුතු කළේ ලෝකයේ වැඩිම කලක් පාලන බලය හෙබවූ රාජකීය නොවන නායකයා ලෙසය.
ෆිදෙල් කස්ත්‍රෝ කියුබාවේ රාජ්‍ය නායකයා ලෙස කටයුතු කළේ හමුදා කුමන්ත්‍රණයක් දියත් කොට ඇමරිකා එක්සත් ජනපද අනුග්‍රහයෙන් බලයේ සිටි බැටිස්ටා පාලනය 1959දී මහජන විප්ලවයකින් පෙරලා දැමීමෙන් අනතුරුවය.
කලක් අසනීපයෙන් හිඳ 2008 වසරේදී ෆිදෙල් කස්ත්‍රෝ රාජ්‍ය පාලනයෙන් විශ්‍රාම ගියේ සිය සොයුරු රාවුල් වෙත බලය පවරමිනි.
ෆිදෙල් එක්සත් ජනපද ජනාධිපතිවරුන් දස දෙනකුගේ කාලය ඉක්මවා කියුබාවට නායකත්වය සැපයූ අතර සීඅයිඒ මධ්‍යම ඇමරිකා රහස් ඔත්තු සේවය විසින් ඝාතනය කරන්නට වීරිය දරන ලද සෑම අවස්ථාවකම ගැලවී ගන්නට සමත් විය.
ෆිදෙල් කැස්ත්‍රෝගේ ආදාහන උත්සවය සෙනසුරාදා පස්වරුවේ පැවැත්වීමට නියමිත බව විදෙස් මාධ්‍ය වාර්තා කරයි.
Facebook Comments
