මහින්ද රාජපක්ෂ අගමැති ධුරයෙන් ඉවත්වීමට තීන්දු කිරිමත් සමග ඔහුට එම ධුරයෙන් ඉල්ලා අස්නොවන්නැයි ඇමැතිවරු බලපෑම් කර ඇතැයි ආණ්ඩුවේ දේශපාලන ආරංචි මාර්ග පවසයි.
කැබිනට් මණ්ඩලයේ ඇතැම් ඇමැතිවරුන් යෝජනා කර ඇත්තේ අගමැතිවරයා ඉවත් නොවී තමන් කැබිනට් අමාත්‍යධුර වලින් ඉවත් වන බවටයි.
අගමැතිවරයා මෙම තීන්දුව ගත් බව ආරංචි වීමත් සමග බැසිල් රාජපක්ෂ ජනාධිපතිවරයාගේ මිරිහානේ පෞද්ගලික නිවසට ගොස්, අගමැතිවරයාට ඉල්ලා අස්වීමට ඉඩනොතබන ලෙසත් අනෙකුත් සියලුම රාජපක්ෂවරු ඇමැතිධුර වලින් ඉවත්වීමට සුදානම් බවත් දැනුම් දී තිබෙන බව ද මාධ්‍ය වාර්තා කර තිබේ.
”අන්තර්වාර ආණ්ඩුවක්”
මේ අතර ජාතික නිදහස් පෙරමුණේ නායක, හිටපු අමාත්‍ය විමල් වීරවංශ පැවසුවේ සර්ව පාක්ෂික අන්තර්වාර ආණ්ඩුවක් පත්කිරීම සඳහා කළ යෝජනාවට ජනාධිපතිවරයාගෙන් සහ අගමැතිවරයාගෙන් යහපත් ප්‍රතිචාර ලැබී ඇති බවයි.
රටේ වත්මන් තත්ත්වය අනුව මෙම අර්බුදවලට විසඳුම් සෙවීම සඳහා පවතින අමාත්‍ය මණ්ඩලයට කටයුතු කළ නොහැකි බව ද හිටපු ඇමතිවරයා මාධ්‍ය වෙත කියා සිටියේය.
එබැවින් කැබිනට් මණ්ඩලය විසුරුවා හැර අන්තර්වාර ආණ්ඩුවක් සඳහා සර්වපාක්ෂික හෝ බහුපාර්ශ්වික ගිවිසුමකට එළඹෙන ලෙස ඉල්ලීමක් කර ඇතැයි ඔහු වැඩි දුරටත් සඳහන් කළේය.
Facebook Comments
