ධම්මික පෙරේරාගේ මන්ත්‍රී පට්ටමට සිවිල් සමාජයෙන් පොල්ලක්

0

මෙරට ඉහල පෙලේ ව්‍යාපාරියෙකු හට පාර්ලිමේන්තු මන්ත්‍රී ධුරයක් ලබා දීමට ගත් තීරණයෙන් ශ්‍රී ලංකා පොදුජන පෙරමුණ ව්‍යවස්ථාව කඩ කර ඇතැයි චෝදනා කරමින් සිවිල් සංවිධානයක් ඉහලම අධිකරණයට පෙත්සමක් ගොණුකර තිබේ.

හිටපු මුදල් අමාත්‍ය බැසිල් රාජපක්‍ෂ පාර්ලිමේන්තු මන්ත්‍රී ධූරයෙන් ඉල්ලා අස්වු පසු එම මන්ත්‍රී ධුරය ව්‍යාපාරියෙකු වන ධම්මික පෙරේරා පත් කිරීමට ආණ්ඩු පක්ෂය තීරණය කර ඇති බවට මාධ්‍ය වාර්තා කර තිබුනි.

කෙසේ වෙතත් එම තීරණය අභියෝගයට ලක් කරමින් විකල්ප ප්‍රතිපත්ති කේන්ද්‍රය ශ්‍රේෂ්ඨධිකරණයේ මූලික අයිතිවාසියකම් පෙත්සමක් ගොනුකරනු ලැබ ඇත.

පාර්ලිමේන්තුවේ ජාතික ලැයිස්තුවෙන් මන්ත්‍රී ධුරයක් පුරපාඩු වූ විට ඒ සඳහා පත් කිරීමට හැකියාව ලැබෙන්නේ මහ මැතිවරණයේදී දිස්ත්‍රික්ක සඳහා භාරදුන් නාම යෝජනාවල නම් ඇතුළත්ව සිටින පුද්ගලයකු හෝ ජාතික ලැයිස්තුවේ නම් සදහන් පුද්ගලයකුට පමණක් බවයි එම සංවිධානය සිය පෙත්සමින් පෙන්වා දී ඇත්තේ.

ධම්මික පෙරේරාගේ නම ඉකුත් මහ මැතිවරණය සඳහා ඉදිරිපත් කළ නාමයෝජනා පත්‍ර වල හෝ ජාතික ලැයිස්තුවේ ඇතුළත් ව නොතිබූ බැවින් ඔහු පාර්ලිමේන්තුවේ පුරප්පාඩු වූ මන්ත්‍රී ධූරයක් සඳහා පත් කිරීම ආණ්ඩුක්‍රම ව්‍යවස්ථාවට පටහැනි බවයි පෙත්සම්කරු අවධාරණය කරන්නේ.

“ආණ්ඩුක්‍රම ව්‍යවස්ථාවේ 99 (ආ) වගන්තිය අනුව පාර්ලිමේන්තුවේ ජාතික ලැයිස්තු මන්ත්‍රී ධූරයක් පුරප්පාඩු වූ අවස්ථාවේදී එම පුරප්පාඩුවට පත්කළ යුතු පුද්ගලයකු ඊට හිමිකම් ලබන්නේ අදාල දේශපාලන පක්‍ෂයෙන් මහ මැතිවරණයට ඉදිරිපත්වූවකු හෝ නාම යෝජනා ඉදිපත්කළ අයකු හෝ ජාතික ලැයිස්තුවේ නම සඳහන් වූවෙකු පමණක්ය.”

මැතිවරණ කොමිසම සහ නීතිපතිවරයා ඇතුළු පිරිසක් මෙම පෙත්සමේ වගඋත්තරකරුවන් වශයෙන් නම්කරනු ලැබ සිටිති.

Facebook Comments

wedding people