ශ්‍රී ලංකා නාවික හමුදාව තලෙයිමන්නාරමට ඔබ්බෙන් වූ මුහුදු ප්‍රදේශයේ ජුලි 06 වන දින රාත්‍රියේ සිදුකළ මුර සංචාරයකදී, නීති විරෝධී ලෙස මුහුදු මාර්ග ඔස්සේ මෙරටින් විදෙස් රටකට සංක්‍රමණය වීමට උත්සහ කළ බවට සැකකෙරෙන පුද්ගලයන් 09 දෙනෙකු අත්අඩංගුවට ගෙන තිබේ.
ඩිංගි යාත්‍රාවක් තුල සිට විදෙස් රටකට සංක්‍රමණය වීමට උත්සාහ කළ බවට සැකකෙරෙන පිරිමි පුද්ගලයෙකු කාන්තාවන් 03 දෙනෙකු සහ කුඩා ළමුන් 03 ක් ඇතුළු 07 දෙනෙකු සමඟ එම ජාවාරමට සම්බන්ධ ජාවාරම් කරුවන් 02 දෙනෙකු මෙසේ නාවික හමුදාව සිය භාරයට ගෙන ඇත.
මෙලෙස සිය භාරයට ගත් පිරිස වයස මාස 09 ත් 43 ත් අතර පසුවන කිලිනොච්චිය හා පේසාලේ යන ප්‍රදේශයන්හී පදිංචිකරුවන් බවට හඳුනා ගන්නා ගත් බව සහ එම පිරිස ඉදිරි නීතිමය කටයුතු සඳහා තලෙයිමන්නාරම පොලිසිය වෙත භාරදීමට කටයුතු කරන ලද බවයි නාවික හමුදාව නිවේදනය කරන්නේ.
අනවසර සංක්‍රමණ ඇතුළු මුහුදු මාර්ග ඔස්සේ සිදුවන ජාවාරම් මැඩපැවැත්වීමේ අරමුණෙන් දිවයින වටා වූ මුහුද හා වෙරළාශ්‍රිත ප්‍රදේශයන් ආවරණය වන පරිදි නිරන්තර සෝදිසි මෙහෙයුම් සහ මුර සංචාර සිදුකරනු ලබන බවයි නාවික හමුදාව වැඩිදුරටත් පවසන්නේ.
Facebook Comments
