ජනාධිපති රනිල් වික්‍රමසිංහගේ නව කැබිනට් මණ්ඩලය අද දිවුරුම් දුන්නේය.
දිනේෂ් ගුණවර්ධන අගමැති ධුරය හොබවන කැබිනට්ටුවේ අමාත්‍යවරු 18 දෙනෙකු සිටින අතර කිසිඳු අමාත්‍යවරියක් නැත.
රාජ්‍ය පරිපාලන , ස්වදේශ කටයුතු , පළාත් සභා හා පළාත් පාලන අමාත්‍යවරයා ලෙස දිවුරුම් දුන්නේ අගමැති දිනේෂ් ගුණවර්ධනය.
ඩග්ලස් දේවානන්දා ධීවර අමාත්‍යධුරයෙත්, සුසිල් ප්‍රේම්ජයන්ත් අධ්‍යාපන අමාත්‍යවරයා ලෙසත් දිවුරුම් දෙනු ලැබීය.
බන්දුල ගුණවර්ධනට ප්‍රවාහන , මහාමාර්ග හා ජනමාධ්‍ය අමාත්‍ය ධුරය හිමි වු අතර කෙහෙළිය රඹුක්වැල්ල සෞඛ්‍ය හා ජල සම්පාදන අමාත්‍ය ධුරයේ දිවුරුම් දුන්නේය.
වනජීවි හා වන සම්පත් සංරක්ෂණ අමාත්‍යධුරය හා කෘෂිකර්ම අමාත්‍ය ධුරය හිමිවුනේ මහින්ද අමරවීරටයි.
විජයදාස රාජපක්ෂ අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යවරයා ලෙස පත් විය.
හරීන් ප්‍රනාන්දු හට සංචාරක හා ඉඩම් අමාත්‍යධුරය හිමි වන විට මනූෂ නානායක්කාර කම්කරු හා විදේශ රැකියා අමාත්‍යධුරයේ දිවුරුම් දුන්නේය.
කර්මාන්ත හා වැවිලි කර්මාන්ත අමාත්‍යවරයා රමේෂ් පතිරණ හට හිමි විය. නාගරික සංවර්ධන හා නිවාස අමාත්‍යවරයා ලෙස ප්‍රසන්න රණතුංගත් විදේශ අමාත්‍යවරයා ලෙස අලි සබ්රි දිවුරුම් දෙන ලදී.
බුද්ධශාසන , ආගමික කටයුතු හා සංස්කෘතික අමාත්‍යධුරය හිමිවුනේ විදුර වික්‍රමනායක වෙතයි.
කාංචන විජේසේකර විදුලිබල හා බලශක්ති අමාත්‍යවරයා ලෙසත් නසීර් අහමඩ් මහතා පරිසර අමාත්‍යවරයා ලෙසත් ටිරාන් අලස් මහතා මහජන ආරක්ෂක අමාත්‍යවරයා ලෙසත් දිවුරුම් දුන්නේය.
නලීන් ප්‍රනාන්දු වෙළෙද වාණිජ හා ආහාර සුරක්ෂිතතා අමාත්‍යවරයා ලෙස පත් විය.
Facebook Comments
