කේපාපිලව් ජනතාව සිය ඉඩම් අරගලය ජය ගනී

0

ගුවන් හමුදාව විසින් අත්පත් කර ගෙන ඇති සිය ඉඩම් ඉල්ලා විරෝධතා අරගලයක නිරත වු ජනතාවට ඊයේ (01) සිය ඉඩම් භාර දුන් බව මුලතිවු දිසාපතිනී පවසයි.

පවුල් 52 දෙකකට අයත් ඉඩම් අක්කර 42ක් නිදහස් කොට මෙසේ ඒවායේ හිමිකරුවන් වෙත ලබා දීමට කටයුතු කල බවයි දිසාපතිනී රූපවතී කේතීස්වරන් කියා සිටියේ.

ජනාධිපතිවරයා විසින් ගුවන් හමුදාපතිවරයාට කළ දනුම් දීමක ප්‍රතිඵලයක් වශයෙන් මෙම ඉඩම් නැවතත් මුල් හිමිකරුවන් වෙත ලබා දීමට ගුවන් හමුදාව කටයුතු කළේය.

දිසාපතිනිය විසින් භාර ගනු ලැබූ ඉඩම්වල අයිතිකරුවන්ගේ නම් ප්‍රකාශයට පත් කිරීමත් සමගම කේපාපිලවු ගම්මානයේ වැසියෝ ඔල්වරසන් දෙමින් සිය සිය සතුට පල කළහ.

ගුවන් හමුදාව අත්පත් කරගෙන ඇති තම ඉඩම් නැවත ලබා දෙන ලෙස ඉල්ලා මුලතිව් දිස්ත්‍රික්කයේ කේපාපුලව් ග්‍රාම නිලධාරී වසමට අයත් පිලව්කුඩියිරුප්පු ග්‍රාමයේ මුල් පදිංචි කරුවන් විසින් ජනවාරි 31 සිය විරෝධතාවය ආරම්භ කළ අතර තම ඉඩම් ආපසු දෙන තෙක් සටන අත් නොහරින බවටයි ඔවුන් කියා තිබුණි.

අලුත් විරෝධතාවක්

මේ අතර කේපාපිලව් ගම්මනයේ යුද හමුදාව විසින් කඳවුරු බඳ ඇති ඉඩම් වල මුල් පදිංචි කරුවන් එම ඉඩම් නැවත ලබා දෙන ලෙස ඉල්ලා ඊයේ සිට විරෝධතාවක් ආරම්භ කල බවද මුලතිවු දිසාපතිනිය පැවසීය.

එසේ යුද හමුදාව විසින් අල්ලා ගෙන සිටින ඉඩම් ප්‍රමාණය පිළිබඳව තමන් නොදන්නා බවයි ඇයි වැඩිදුරටත් කියා සිටියේ.

 

Facebook Comments

wedding people