සෑම ශ්රී ලාංකිකයින් දස දෙනෙකුගෙන් තුන්දෙනෙකු ආහාර අනාරක්ෂිත භාවයකින් පෙළෙන බව එක්සත් ජාතීන්ගේ සංවිධානය නිකුත් කළ නවතම වාර්තාවකින් හෙළිව තිබේ.
ලෝක ආහාර වැඩසටහන විශේෂ වාර්තාවක සඳහන් වන්නේ ගැබිණි සහ කිරි දෙන මව්වරුන් මෙන්ම වයස අවුරුදු 05 ට අඩු ළමුන් හා ආබාධ සහිත පුද්ගලයින් පවතින තත්ත්වය හේතුවෙන් දරුණු ලෙස පීඩාවට පත්ව ඇත.
වයස අවුරුදු 05 ට අඩු ළමුන්ගෙන් සියයට 15 ත් 17 ත් අතර පිරිසක් නියමිත උසකින් හෝ නියමිත බරකින් යුක්ත නොවන බව ද එහි සඳහන්.
පීඩාවට පත්වන පුද්ගලයින්ට ආධාර සැපයීමට රජය දරණ උත්සහයන් ද ආර්ථික අර්බුදය හේතුවෙන් සීමාවී ඇති බවයි එම වාර්තාවේ දැක්වෙන්නේ.
විවිධ සමාජ ආරක්ෂණ වැඩසටහන්වලින් ප්‍රතිලාභ ලැබූ කාන්තාවන් හා ළමුන් දැඩි සෞඛ්‍ය හා පෝෂණ අවදානමක පසුවනවා.
ගැබිණි සහ කිරි දෙන මව්වරුන් මෙන්ම කුඩා දරුවන්ට ද ලබාදෙන ත්‍රිපෝෂ වැඩසටහන ද ඇණහිට තිබෙන බැවින් කාන්තාවන් හා ළමුන්ගේ මන්දපෝෂණ අනුපාතය ඉහළ ගොස් ඇති බවයි ලෝක ආහාර වැඩසටහන පවසන්නේ.
හදිසි ආධාර අවශ්‍ය පිරිස මිලියන 1.5 ක් වන බවත්, මිලියන 6.3 ක් ආහාර අනාරක්ෂිතව හෝ ආධාර අවශ්‍යව සිටින බවත් එම වැඩිදුරටත් එම වාර්තාවේ සඳහන් වේ.
Facebook Comments
