සියවස් දෙකක තිස්සේ හිසට වහලක් නොමැතිව ශ්‍රී ලාංකාවේ ආර්ථිකය ශක්තිමත් කිරීමට උරදෙන වතු කම්කරු ජනතාව ඇගයීමට ජනාධිපතිවරයා යෝජනා කර තිබේ.
වතුකරයේ ආදායමෙන් තුනෙන් එකකට වඩා දායකත්වය ලබා දෙන කඳුරට දෙමළ ප්‍රජාවේ ප්‍රථම කණ්ඩායම ශ්‍රී ලංකාවට පැමිණ වසර දෙසීයක් සපිරීම නිමිත්තෙන් 2023 පෙබරවාරි මස මෙම වැඩසටහන් මාලාව පැවැත්වීමට ජනාධිපති රනිල් වික්‍රමසිංහ කළ යෝජනාවට කැබිනට් අනුමැතිය හිමි වු බවයි රජය නිවේදනය කරන්නේ.
මීට වසර දෙසීයකට පෙර ඉන්දියාවෙන් මෙරටට සංක්‍රමණය වූ උඩරට දෙමළ ජනතාවගේ සේවය ඇගයීම මෙන්ම ඔවුන්ගේ ජීවන තත්ත්වය ඉහළ නැංවීමේ අරමුණින් වැවිලි කර්මාන්ත අමාත්‍යාංශය සහ අදාළ අනෙකුත් රාජ්‍ය ආයතන එක්ව මෙම වැඩසටහන් මාලාව සංවිධානය කිරීමට අපේක්ෂා කරයි.
150,000 කට අධික උඩරට දෙමළ වතු කම්කරුවන් පිරිසක් ප්‍රධාන වශයෙන් මධ්‍යම, සබරගමුව සහ දකුණු පළාත් ආශ්‍රිතව පදිංචිව සිටින අතර ශ්‍රී ලංකාවේ ආර්ථිකයට මෙන්ම සංස්කෘතියට ද ඔවුන්ගෙන් සැළකිය යුතු දායකත්වයක් හිමි වන බවයි රජය වැඩිදුරටත් නිවේදනය කරන්නේ.
නිවසක නැති වතු කම්කරුවන්
වතු කම්කරුවන් මෙරටට පැමිණ වසර 200 ක් සම්පුර්ණ වූවත් ඔවුන් තවමත් ජීවත් වන්නේ වසර 150 ට ඉහතදී සුදු ජාතිකයන් විසින් සකස් කළ ලයින් කාමරයක බව ලෝක ජනාවාස දිනය යෙදී තිබු ඔක්තෝබර් 3 වැනිදා වතු කම්කරුවන් සමග කොටුව දුම්රියපොළ ඉදිරිපිටදී විරෝධතාවයකට එක්වෙමින් මහනුවර සමාජ සංවර්ධන ආයතනය චෝදනා කළේය.
මහනුවර සමාජ සංවර්ධන ආයතනයේ පෙරියසාමි මුතුලිංගම් අවධාරණය කරන පරිදි දැනට එක්ලක්ෂ හැට නම දාහක් වතු කම්කරුවන් ලයින් කාමරයක් තුළ කොටුවී සිටින අතර ඔවුන් වෙනුවෙන් ඉදි කළ නිවාස තිස් පන් දහසකට අධික නිවාස වල අයිතිය තවමත් ඔවුන් වෙත පවරා නැත.
“දැනට එක්ලක්ෂ හැට නම දාහක් ලයින් කාමර තමයි තියෙන්නේ. ඒ අතරතුරදී 1987 ඉදලා අද වෙනකම්ම තනි ගෙවල් සහ තට්ටු ගෙවල් තිස් පන්දාහක් හදලා තියනවා. නමුත් ඒකට අද වෙන තුරු ඔවුන්ට නිවාස අයිතිය ලබා දුන්නේ නැ.” යි ඔහු කියා සිටියේය.
Facebook Comments
