ජාතික ජන බලවේගයට ආණ්ඩු බලය ලබා ගෙන රට කළ නොහැකි බව ජනතා විමුක්ති පෙරමුණේ සාමාජික කේ.ඩී. ලාල්කාන්ත අවබෝධ කර ගෙන ඇති බවට සමගි ජනබලවේග මන්ත්‍රීවරයකු ප්‍රකාශ කර තිබේ.
එබැවින් ඔහු ඡන්ද පදනම කඩා දැමීමට විටින් විට විවිධ අන්දෝලනාත්මක ප්‍රකාශ සිදු කරන බවයි එස්. එම්. මරික්කාර් මන්ත්‍රීවරයා පවසන්නේ.
“අපි දැක්කා ඉරාන ජනාධිපතිවරයාට ශෝක ප්‍රකාශය කරන්න පක්ෂ නායකයෝ ඉරාන තානාපති කාර්යාලයට ගියපු වෙලාවේ අනුර කුමාර මහත්තයා ෆෝන් එක දිහා බලාගෙන කවුදෝ ලියල දුන්න එක තමයි ලිව්වේ. එහෙම කෙනෙකුට රට පාලනය කරගන්න බෑ කියන එක අපිට වැඩිය හොඳට දන්නේ ලාල්කාන්ත. ඒ නිසා තමයි ලාල්කාන්ත සැරින් සැරේ ඇවිල්ලා විවිධ ප්‍රකාශ කරන්නේ ජනතා විමුක්ති පෙරමුණේ ඡන්ද පදනම කැඩෙන්න. මොකද ලාල්කාන්ත දන්නවා මේක අරගෙන කරන්න බැහැ කියලා. ඒ නිසා අමාරුම ටික කරගන්න වෙන කවුරු හරි බලයට පත්වීම තමයි ඒගොල්ලොන්ගෙ උවමනාව.”
ජාතික ජන බලවේගය උත්සාහා කරමින් සිටින්නේ මෙරට ප්‍රධාන විපක්ෂය වීමට බව ද පාර්ලිමේන්තු මන්ත්‍රී එස්. එම්. මරික්කාර් වැඩිදුරටත් කියා සිටියේය.
Facebook Comments
