සංහිඳියාවේ පෙරගමන්කරුවන් වන්න ජනපති ආගමික නායකයන්ගෙන් ඉල්ලයි

0

සියලු ආගමික දර්ශනයන්ගේ මගපෙන්වීම වන සංහිඳියාවේ සහ සහජීවනයේ පණිවිඩය ජනතාව අතරට ගෙන යාමට නායකත්වය ගන්නා ලෙස ජනාධිපතිවරයා සියලු ආගමික නායකයින්ගෙන් ඉල්ල සිටි.

පළාත් සහ ප‍්‍රාදේශීය මට්ටමින් ආගමික සහජීවන කමිටු පිහිටුවා රටේ සියලු ජනතාව සංහිඳියාව සහ සහජීවනය පිළිබඳ දැනුවත් කිරීමට කටයුතු කිරීමේ වැදගත් බවයි ජනාපති මෛත්‍රීපාල සිරිසේන පෙන්වා දෙන්නේ.

විවිධ ජන කොටස් අතරේ ප‍්‍රශ්න හා ගැටලු පසුගිය දශක කිහිපය පුරා අපේ රටේ දක්නට ලැබුණ ද පන්සල, පල්ලිය සහ කෝවිලේ ආගමික නායකයින් අතර ගැටුමක් ඇති නොවූ බව සිහිපත් කළ ජනපති වැරදි මග යන සමාජය සුවපත් කිරීමට ආගමික දේශනා, අවවාද සහ අනුශාසනා තුළින් හැකි බව කියා සිටියේ 12 අඟහරුවාදා කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේ පැවති සර්ව ආගමික සහජීවන සමුළුව අමතමිනි.

නැවත රට තුළ යුද්ධයක් ඇති වීමට ඉඩ නොතබමින් රට තුළ සංහිඳියාව සහ සහජීවනය ගොඩනැගීමට රජය ගෙන යන වැඩපිළිවෙළ සාර්ථක කර ගැනීමට එක්වීම සියලුදෙනාගේ වගකීමක් බව ජනාධිපති මෛත්‍රීපාල සිරිසේන අවධාරණය කළේය.

රට බෙදීමට සටන් කළ ත‍්‍රස්තවාදීන් යුදමය වශයෙන් පරාජය වුව ද මතවාදී ලෙස පරාජයට පත්වී නොමැති බව පවසන ජනාධිපතිවරයා මතවාදයක් පරාජයට පත් කළ හැක්කේ තවත් මතවාදයකින් බවයි වැඩි දුරටත් කියා සිටියේ.

Facebook Comments

wedding people