යුධ අපරාධ චෝදනා විභාගයට විදේශ විනිසුරන් ඇතුලත් කිරීම ජනතාවගේ අදහසක්

0

ශ්‍රී ලංකාවට එල්ල වී තිබෙන  යුධ අපරාධ චෝදනා  විභග කිරිමේ විනිශ්ව සභාවකට විදේශ විනිසුරන් සිටිය යුතු බව සංහිඳියාව උදෙසා වන ප්‍රවිචාරණ කාර්ය සාධක බලකාය විශ්වාස කරන අතර එය කමිටුවේ “ඕපපාතික අදහසක්” නොව රට පුරා ගොස් ජනතාවාගේ ලබා ගත් අදහස් වලින් පෝෂණ වු අදහසක් බව එම කමිටුවේ සාමාජික ගාමිණි වියන්ගොඩ පවසයි.

යුද අපරාධ චෝදනා ඇතුළු බරපතල මානව හිමිකම් උල්ලංඝනයන් පරීක්ෂා කෙරෙන අධිකරණ යාන්ත්‍රණයට විදේශ විනිසුරන් සම්බන්ධ කර නොගන්නා අතර එය සම්පුර්ණ දේශිය විනිසුරන්ගෙන් සිදු කිරීම රජයේ ස්ථාවරය බවයි ඊයේ (05) පැවති කැබිනට් තීරණ දැනුම් දිමේ මාධ්‍ය හමුවේදි කැබිනට් ප්‍රකාශකවරයා කියා සිටියේ.

රාජිත ඇමතිවරයා සිදු කරන ප්‍රකාශ සම්බන්ධයෙන් ජනතාවට අවබෝධයක් පවතින බැවි කියා සිටින ගාමිණි වියන්ගොඩ පැවසුවේ මෙය කමිටු නිර්දේශයක් මිස ආණ්ඩුවේ නිර්දේශය නොවන බවයි.

කමිටුව එවැනි අධිකරණයක් තිබිය යුතු බවට විශ්වාසය පළ කරන බව ද  ඔහු අවධාරණය කළේය.

එසේ විශ්වාස කිරීමට කමිටුවට ඇති තරම් සාක්ෂි ඇති අතර  ඉතාම මෑත කාලින සාක්ෂියක් ලෙස  අපේ අධිකරණය හිටපු පාර්ලිමේන්තු මන්ත්‍රී  රවිරාජ්ගේ ඝාතනය සම්බන්ධයෙන් දුන් නඩු තීන්දුව අනුව  පැහැදිලි වන බවයි ගාමිණි වියන්ගොඩ සිලෝන් ජර්නල්ස් හා කියා සිටියේ.

 

විදේශිය විනිසුරන් සහභාගි කරවා ගැනීම සංහිඳියාව උදෙසා වන ප්‍රවිචාරණ කාර්ය සාධක බලකායේ මතය බවත්  විදේශ විනිසුරන් සහභාගී කරගෙන වින්ශ්චය කටයුතු සිදු කරන අධිකරණයකට ජනාධිපතිවරයා සහ රජය එකඟ නොවන බවට කමිටුවට මෙයට ඉහතදී සිටම අවබෝධයක් පැවැති බවත්  ඔහු පැවසීය.

මෙම කමිටුව ආණ්ඩුව විසින් පත් කලද,  කමිටුවේ මතය ආන්ඩුවේ මතය නොව අතර මෙය සිවිල් සාමාජ ක්‍රියාධරයන්ගෙන් සැදුම්ලත් ස්වාධින කමිටුවක් බවයි ගාමිණි වියන්ගොඩ සිලෝන් ජර්නල්ස් වෙත වැඩි දුරටත්  කියා සිටියේ.

ජනපති අසනීපෙන්, අගමැති පරක්කුයි

සංහිඳියාව උදෙසා වන ප්‍රවිචාරණ කාර්ය සාධක බලකායේ නිර්දේශ ඇතුලත් වාර්තාව බාර ගැනීමට ජනාධිපතිපතිවරයා නොපැමිණියේ අසනීප තත්ත්වයන් නිසාවෙන් සහ අගමැතිවරයාට සහභාගී වීමට නොහැකි වුයේ ඔහු වෙනත් වැඩක් සඳහා ගොස් ඒමට ප්‍රමාද වු නිසා බවයි කමිටු සමාජික ගාමිණි  වියන්ගොඩ පවසන්නේ.

මෙම නිර්දේශ ඇතුලත් වාර්තාව කිහිපවරක්ම ජනාධිපති සහ අගමැතිවරයාට බාර දීමට කටයුතු  යොදා ගෙන තිබුනද ඒ සෑම අවස්ථාවකදීම එය කල් දැමු අතර ජනාධිපති ලේකම් කාර්යාල විසින් ඒ සදහා  ජනවාරි 03 දින කමිටුව වෙත ලබා දී තිබුණි.

ජනපති හා අගමැති එම උත්සවය සහභාගි නොවීම බරපතල දෙයක් ලෙස කමිටුව නොසිත අතර ජනාධිපතිවරයා වෙනුවට හිටපු ජනපතිනී චන්ද්‍රිකා බණ්ඩාරණායක ජනාධිපතිවරයා ඒ සඳහා ‍යොදවා තිබු බවත් ජනධිපතිවරයා හා අගමැතිවරයා හිතාමතා එය මඟහැරී බවට කමිටුව විශ්වාස නොකරන බව සිලොන් ජර්නල්ස් කල විමසීමේදි ගාමිණී වියන්ගොඩ පැවසීය.

ජනතාව සමඟ මෙම නිර්දේශ සම්බන්ධව සංවාද ඇති කරමින් කමිටුව විසින් ඉදිරිපත් කල නිර්දේශ වෙනුවෙන් පෙනී සිටිමින් ඒවා ක්‍රීයාත්මක කර ගැනීමටද කමිටුව උත්සාහ දරන බව  සිලෝන් ජර්නල්ස් වෙත  කමිටු සාමාජික ගාමිණි වියන්ගොඩ වැඩි දුරටත් සඳහන් කළේය.

Facebook Comments

wedding people