මිනිස් ක්‍රීයාකාරකම් නිසා කැලණි ගඟ ආශ්‍රීතව සිදුවන පරිසර දූෂණය වළක්වා ගැනීම සඳහා විශේෂ වැඩපිළිවෙළක් ක්‍රියාත්මක කිරීමට ජාතික පොලිස් කොමිසමේ අවධානය යොමුව ඇත.
කැලණි ගඟේ කොළඹ සිට අවිස්සාවෙල්ල දක්වා කොටස තුළ විශාල ලෙස පාරිසරික හානි සිදුවන බව වාර්තා වන බවයි එම කොමිසම පවසන්නේ.
මේ පිළිබඳව පාරිසරික පොලිස් ඒකක හරහා නව වැඩපිළිවෙළක් ක්‍රියාත්මක කිරීම සඳහා වූ යෝජනාවක් ජාතික පොලිස් කොමිසමට ඉදිරිපත් වී ඇති අතර ඒ අනුව කැලණි ගඟට අපද්‍රව්‍ය බැහැර කරන පුද්ගලයින් පිළිබඳව සොයා බලා ඒවා නතර කිරීමට අවශ්‍ය ක්‍රියාමාර්ග ගැනීම මෙමගින් සැළසුම් කර ඇති බවයි වාර්තා වන්නේ.
ප්‍රජා පොලිස් ඒකක හරහා අදාළ වැඩපිළිවෙල ක්‍රියාත්මක කිරීමට බලාපොරොත්තු වන බව ජාතික පොලිස් කොමිසමේ ලේකම් ආරියදාස කුරේ සඳහන් කළේය.
Facebook Comments
