ඊ නිවුස් කර්තෘට නොතීසි

0

ලංකා ඊ නිවුස් වෙබ් අඩවියේ කර්තෘ සඳරුවන් සේනාධීර හට ශ්‍රේෂ්ඨාධිකරණය විසින් නොතීසි නිකුත් කර තිබේ.

අධිකරණයට අපහාස කිරීම සම්බන්ධයෙන් කරුණු දක්වන ලෙසට නියෝග කරමින් අධිකරණය මෙසේ කර්තෘවරයා වෙත නොතිසි නිකුත් කර ඇත්තේ.

ලංකා ඊ නිවුස් වෙබ් අඩවියේ පළ කළ ඇතැම් පුවත් මගින් අධිකරණයට අපහාසයක් සිදුව ඇති බවට චෝදනා කරමින් නීතීඥවරයෙකු වන මධුර විතානගේ විසින් ඉදිරිපත් කළ පෙත්සම් 14 අද (19) කැඳවූ අවස්ථාවේ ශ්‍රේෂ්ඨාධිකරණය විසින් මෙම නියෝගය ලබාදී ඇත.

ත්‍රිපුද්ගල විනිසුරු මඩුල්ලක් හමුවේ පෙත්සම සළකා බැලූ අවස්ථාවේ විනිසුරු ප්‍රියසාද් ඩෙප් සඳහන් කර ඇත්තේ අදාළ පෙත්සම් ඉදිරියට පවත්වාගෙන යාම සඳහා වගඋත්තරකරු වෙත නොතීසි නිකුත් කිරීම අවශ්‍ය බවයි.

ඒ අනුව පෙත්සම් සම්බන්ධයෙන් මාර්තු මස 03 වනදා අධිකරණය හමුවේ කරුණු දක්වන ලෙස ශ්‍රේෂ්ඨාධිකරණය විසින් ලංකා ඊ නිවුස් වෙබ් අඩවියේ කර්තෘ සඳරුවන් සේනාධීරගේ මාලඹේ ලිපිනයට නොතීසි යොමු කිරීමට නියෝග කර තිබේ.

ඉන්ටර්පෝල් වරෙන්තුව

මීට පෙර රිවිර පුවත්පතේ හිටපු කර්තෘ උපාලි තෙන්නකෝන් මහතාට පහරදීමේ නඩුවට සම්බන්ධ සැකකරු හඳුනාගැනීමේ පෙරට්ටුවට ඉදිරිපත් කිරීමට පෙර ඔහුගේ ඡායාරූප පළ කිරීමෙන් අධිකරණයට අපහාස කළ බවට ඔහුට එරෙහිව චෝදනා කල අතර එහිදි ඳරුවන් සේනාධීර යන අය අත්අඩංගුවට ගන්නා ඉන්ටර්පෝල් වරෙන්තුවක් නිකුත් කිරිමට ගම්පහ ප්‍රධාන මහේස්ත්‍රාත් කවින්ද්‍යා නානයක්කාර නියෝග කළේය.

එම අවස්ථාවේදී අධිකරණය හමුවේ චෝදනා ගොනු කිරීමක් සිදුකර නොමැති බැවින් සඳරුවන් සේනාධීර මහතා අත්අඩංගුවට ගත නොහැකි බවට ඉන්ටර්පෝල් විසින් ප්‍රකාශ කළ බවට අපරාධ පරීක්ෂණ දෙපාර්තමේන්තුව විසින් පසුව අධිකරණයට දන්වනු ලැබිණි.

Facebook Comments

wedding people