ඖෂධ නීතිගත සංස්ථාවට වාර්තාගත ආදායමක්

යහපාලන රජය යටතේ රාජ්‍ය ඖෂධ නීතිගත සංස්ථාව 2016 වසරේ දී පමණක් රුපියල් කෝටි 3225 ක වාර්තාගත අදායමක් ලබා ඇති අතර එය සියයට 32 ක වර්ධනයක් බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න පවසයි.

රාජ්‍ය ඖෂධ නීතිගත සංස්ථාවෙි සභාපති නීතිඥ සරත් ලියනගේ සහ කළමණාකාර අධ්‍යක්ෂ ආචාර්ය එචි.එම්.එම් රූමි ඇතුලු සංස්ථාවෙි නිලධාරීන් සමග පැවැත් වූ සාකචිඡාවක දී මෙම තොරතුරු අනාවරණය වු බවයි ඇමතිවරයා පවසන්නේ.

රාජ්‍ය ඖෂධ නීතිගත සංස්ථාව බදු ගෙවීමට පෙර ලාභය සියයට 58 කින් වැඩි වී ඇත්තේ ද 2015 වසරට සාපේක්ෂව 2016 වසර සසදා බැලීමෙි දී වන අතර 2016 වර්ෂය තුල ලාභය මත ගෙවන බදු ප්‍රමාණය රුපියල් මිලියන 519 ක් වූ බව සහ මහා භාණ්ඩාගාරයට ලාභාංශ ලෙස රුපියල් මිලියන 216 ක් ගෙවු බව රාජිත සේනරත්න ඇමතිවරයා පෙන්වා දෙයි.

රාජ්‍ය ඖෂධ නීතිගත සංස්ථාව යටතේ රාජ්‍ය ඔසුසල ශාඛා 32 ක් ක්‍රියාත්මක අතර, 2016 වසරේ දී ඉන් ශාඛා 23 ක්ම ලාභ උපයා ඇති අතර ඉදිරියේ දී පෑලියගොඩ, මාලඹෙි, කඩුවෙල, දෙහිවල, ගල්කිස්ස, මොණරාගල, බණ්ඩාරවෙල, ඇතුලු දිවයිනම ආවරණය වන පරිදි ඔසුසල් පිහිටුවන ලෙස සෞඛ්‍ය අමාත්‍යවරයා උපදෙස් දී තිබේ.

ඖෂධ වර්ග 48 ක මිල අඩු කිරීම තුලින් රාජ්‍ය ඖෂධ සංස්ථා ඔසුසල් ජාලය තුල අලෙවිය සියයට 20 කින් වැඩි වී ඇති අතර එය 2017 වසරේ දී තවත් වර්ධනය වෙනු ඇතැයි සෞඛ්‍ය අමාත්‍යවරයා විශ්වාසය පළ කරයි.

ගර්භණී මවුවරුන්, ළදරුවන්, ඡ්‍යෙෂ්ඨ පුරවැරසියන් සහ රණවිරු කාඩි පත් හිමියන්ට ඔසුසල් මගින් ඖෂධ ලබාගැනීමෙි දී සියයට 5 ක වට්ටම් මුදලක් ද හිමි වන බවයි එම සංස්ථාව පවසන්නේ.