බන්ධනාගාර ගතව සිටින දේශපාලන සිරකරුවෙක් හට බන්ධනාගාර නිලධාරින් විසින් පහර දී මරණ තර්ජනය කර ඇති බව දේශපාලන සිරකරුවන් නිදහස් කර ගැනිමේ ජාතික ව්යාපරයේ කැඳවුම්කාර මාරි මුත්තු සත්යවේල් පියතුමා පවසයි.
හිටපු ජනාධිපතිනි චන්ද්රිකා බණ්ඩාරනායක කුමාරතුංග ඝාතන තැතක් සම්බන්ධයෙන් දී ඇති සිර දඬුවමට එරෙහිව අභියාචනයක් ඉදිරිපත් කොට සිටින වේලායුදම් වර්ධරාජන් බන්ධනාගාර රෝහලේ ප්රතිකාර ලබමින් සිටියදී සිර මැදිරියට යන ලෙස බල කොට මෙසේ පහර දී තර්ජන කර ඇති බවයි පියතුමා සිලෝන් ජර්නල්ස් හා කියා සිටියේ.
දේශපාලන සිරකරුවන් හට නිසි ලෙස ප්රතිකාර නොකර මෙවැනි වධ හිංසා වලට පමුණුවන බව පෙන්වා දෙන සත්යවේල් පියතුමා මීට පෙරද මෙවැනි සිද්ධි සම්බන්ධව බන්ධනාගාර අධිකාරි වෙත පැමිණිලි කර ඇති බවද පැවසීය.
බන්ධනාගාර රෝහලේ සිර මැදිරියක් තුල මෙසේ පහරදී තර්ජනය කර ඇති බව පවසන පියතුමා සියලු සිරකරුවන් මානුෂ්යයෝ නම් එම අයිතිවාසිකම් දේශපාලන සිරකරුවන්ටද හිමි විය යුතු බවයි අවධාරණය කරන්නේ.
රෝගී වු අයෙක් හට රෝගියෙක් ලෙස සැලකිය යුතුව තිබුයදී මෙම දේශපාලන සිරකරු හට එසේ නොසලකා ප්රතිකාර නොකොට ඔහුට පහර දීම ඔහුගේ අයිතීන් උල්ලංඝනය කිරිමක් බවයි ජාතික ව්යාපරයේ කැඳවුම්කාර මාරි මුත්තු සත්යවේල් පියතුමා වැඩිදුරටත් සිලෝන් ජර්නල්ස් හා කියා සිටියේ.