මුස්ලිම් සහ ක්‍රිස්තියානි විරෝධී ප්‍රහාරයන්ට එරෙහිව උතුරෙන් යෝජනාවක්

0
ඡායා-ෂෙහාන් ගුණසේකර

ශ්‍රී ලංකාවේ මුස්ලිම් ජනයාට හා සිංහල කතා කරන ක්‍රිස්තියානි ජනයාට එරෙහිව එල්ල වන අන්තවාදී ප්‍රහාරවලින් පීඩාවට පත් මුස්ලිම් සහ ක්‍රිස්තියානි ආගමිකයන් වෙනුවෙන් උතුරු පළාත් සභාවේ යෝජනාවක් සම්මත වී තිබේ.

සිංහල බෞද්ධ නොවන ජනයා ඉලක්ක කර දිගින් දිගටම එල්ලවන ප්‍රහාර හෙලා දකිමින් 6 අගහරුවාදා සම්මත කරගත් යෝජනාව මඟින් උතුරු පළාත් සභාව රජයෙන් ඉල්ලා ඇත්තේ එම ප්‍රහාර නතර කර රටේ නීතිය සහ සාමය ස්ථාපිත කිරීමට වහාම පියවර ගන්නා ලෙසයි.

කිසිඳු බාධාවකින් තොරව සිදුවන මුස්ලිම් හා ක්‍රිස්තියානි විරෝධී ප්‍රහාර මාලාව සම්බන්ධයෙන් පළාත් සභාවක් මෙසේ යෝජනාවක් සම්මත කරගත් පලමු අවස්ථාව මෙය වන අතර දෙමළ ජාතික සන්ධාන පලාත් සභා මන්ත්‍රී එම්.කේ. සිවාජිලිංගම් යෝජනාව ඉදිරිපත් කරමින් පෙන්වා දී ඇත්තේ මෙම ප්‍රචණ්ඩ ක්‍රියා අනාගතයේ යළිත් වරක් මෙරට ජන සංහාරයක ආරම්භයකට මග පෑදීමේ පියවරක් වේද යන්න බියක් පවතින බවයි.

ඡායා-රොෂාන් චතුරංග

මෙම ප්‍රහාර මෙහෙයවනු ලබන්නේ සුලුතර සිංහල පිරිසක් බවට චෝදනා කරන මන්ත්‍රීවරයා මෑතකදී එල්ල වු ප්‍රහාර සම්බන්ධයෙන් වගකිවයුතු අපරාධකරුවන් වහාම නීතිය හමුවට පමුනුවා ඔවුන්ට දඩුවම් ලබා දී ජනතාවගේ ආරක්ෂාව තහවුරු කරන ලෙස රජයට බල කර සිටි.

යෝජනාවට සහය පල කරමින් එක්සත් ජනතා නිදහස් සන්ධානයේ උතුරු පළාත් සභා මන්ත්‍රී වී.ජයතිලක කියා සිටියේ නැවත වරක් රටේ ජාතීන් හා ආගම් අතර අසමගිය ඇති කිරීමට කිසියම් පිරිසක් කටයුතු කිරිම පිලිකුලෙන් යුතුව හෙලා දකින බවයි.

වත්මන් රජය බලයට පත්වූ දා සිට මේ දක්වා ක්‍රිස්තියානි වන්දනා ස්ථාන 190කට වැඩි සංඛ්‍යාවක් ප්‍රහාරයට ගොදුරු වී ඇති බව ශ්‍රී ලංකා ජාතික ක්‍රිස්තියානි ධර්මදාන සන්ධානය පෙන්වා දෙන අතර පසුගිය මාසයක කාලයක් තුළ මුස්ලිම් වරුන්ට එරෙහි ප්‍රහාර 20 පමණ දියත් වී ඇති බවයි මුස්ලිම් මණ්ඩලය පවසන්නේ.

Facebook Comments

wedding people