සයිටම් විරෝධි අට්ටාලය ඉවත් කිරීමට අධිකරණ නියෝග

0

සයිටම් පුද්ගලික වෛද්‍ය විද්‍යාලය‍ට විරෝධයක දක්වා කොළඹ කොටුව දුම්රියපළ ඉදිරිපිට සත්‍යග්‍රහයක් පවත්වාගෙන යාමට වෛද්‍ය පිඨ ශිෂ්‍ය දෙමාපිය සංගමය ඉදිකළ අට්ටාලය ඉවත් කර ගන්නැයි 29 බ්‍රහස්පතින්දා පස්වරුවේ අධිකරණය නියෝග කලේය.

කොටුව පොලිසිය හා දුම්රිය ආරක්ෂක අංශය කළ ඉල්ලීමක් සලකා බලමින් කොටුව මහේස්ත්‍රාත් ලංකා ජයරත්න විසින් මෙම නියෝගය ලබා දී තිබේ.

අට්ටාලය ඉදිකර ඇති භුමිය දුම්රිය දෙපාර්තමේන්තුවට අයත් එකක් වන අතර එය ඉදිකර ඇත්තේ අනවසරයෙන් බවයි අධිකරණයට දැනුම් දී ඇත්තේ.

විශාල ජනකායක් එම ස්ථානයට පැමිණෙන නිසා ඔවුන්ට අට්ටාලය බාධාවක් බව එහි දී අධිකරණයට කරුණු ඉදිරිපත් කර ඇත.

ජවිපෙ පාර්ලිමේන්තු මන්ත්‍රී නලින්ද ජයතිස්ස , ජා.නි.පෙ පාර්ලිමේන්තු මන්ත්‍රී ජයන්ත සමරවීර ඇතුළු 11 දෙනෙකුට විරුද්ධව අධිකරණය විසින් මෙම නියෝගය නිකුත් කළේය.

කොළඹ පැවැත්වූ සයිටම් විරෝධී උද්ඝෝෂණයේ දී සිසුන්ට පහරදීම සහ අත්අඩංගුවට ගැනීමේ ක්‍රියාවලියට විරුද්ධව වෛද්‍යපිඨ ශිෂ්‍ය දෙමාපිය සංගමය විසින් 28 බදාදා කොළඹ දී විරෝධතා පා ගමනක් පැවැත්වූ අතර එය පුරහල විහාර මහා දේවි උද්‍යානය අසලින් ආරම්භ වී කොටුව දක්වා ගමන් කල අතර එය අවසානයේ කොළඹ කොටුව දුම්රියපළ ඉදිරිපිට අට්ටාලයක් ඉදිකර සත්‍යග්‍රහයක් අරඹනු ලැබීය.

 

Facebook Comments

wedding people