නඩු නොමැතිව රැඳවුම් භාරයේ සිටින රැඳවුවන්ගේ නාම ලේඛනය දැක විශ්මයට පත් වු බව පවසන ශ්‍රී ලංකාවේ සිව් දින සංචාරයක වු එක්සත් ජාතීන්ගේ විශේෂ වාර්තාකරුගේ නිගමනය වී ඇත්තේ එම රඳවා ගැනීම “ශ්‍රී ලංකාවේ ජාත්‍යන්තර කීර්තියට කැළලක්” බවයි.
ත්‍රස්වාදය වැළක්විමේ පනත යටතේ පුද්ගලයින් 81 දෙනෙකු රඳවා ඇති බවට රජයේ නිල සංඛ්‍යා ලේඛන වල සඳහන් වන අතර ඉන් 70 දෙනෙකු වසර 5 තිස්සේ කිසිඳු නඩු විභාගයට ඉදිරිපක් කර නොමැති අතරම තවත් 12 දෙනෙකු නඩු නොමැතිව රඳවා ගෙන ඇති බවට එක්සත් ජාතීන්ගේ විශේෂ වාර්තාකරු වන බෙන් එමර්සන් කියා සිටියි.
මෙම පුද්ගලයින් වහාම ඇප මත මුදා හැරිය යුතු බවට රජයට නිර්දේශ කරන එක්සත් ජාතීන්ගේ විශේෂ වාර්තාකරු නොඑසේනම් “වසර ගනනකින් හෝ දශක ගණනකින් නොව” සති හෝ මාස කිහිපයකින් ඔවුන්ට නඩු පැවරීමට පියවර ගත යුතු බව අවධාරණය කර ඇත.
ත්‍රස්තවාදය වැළැක්වීමේ පනත යටතේ කලින් රඳවා තිබු රැඳවියන් සහ දැනට රඳවා ඇති රැඳවියන්ගෙන් රැඳවුම් භාරයේ සිටියදී මුහුණ පෑ ඉතා කෲර වද හිංසා සහ ලිංගික හිංසා කිරිම් පිළිබඳව අසන්නට ලැබුණ බව පවසන බෙන් එමර්සන් “ජාතික ආරක්ෂාවේ නාමයෙන් අත් අඩංගුවට ගෙන රඳවා තබා ගන්නවුන් ට එරෙහිව වධහිංසා කිරීම එදා මෙන්ම අදත්, ආවේනික සහ දෛනික චර්යාවක් ලෙසින් පවතින බව නිගමනය කිරීමට අවශ්‍ය සියලුම සාක්ෂි තිබේ,” යි අවධාරණය කර සිටියි.
Facebook Comments
