ශ්‍රී ලංකා ක්‍රිකට් ක්‍රීඩාවේ වර්තමානය තත්ත්වය පිළිබඳව සාකච්ඡා කර එයට නිසි වැඩපිළිවෙළක් සකස් කිරීමට කටයුතු කරන බව ක්‍රීඩා අමාත්‍යවරයා පවසයි.
ක්‍රිකට් ක්‍රීඩාවේ උන්නතිය වෙනුවෙන් වැඩමුළුවක් ද සංවිධානය කිරීමට කටයුතු කරන බව අමාත්‍ය දයාසිරි ජයසේකර 23 බදාදා පැවති කැබිනට් තීරණ දැනුම් දීමේ මාධ්‍ය හමුවේදී අනාවරණය කළේය.
වත්මන් ක්‍රිකට් ක්‍රීඩාවේ තත්ත්වය පිළිබඳ විමර්ශනය කිරීම සඳහා කමිටුවක් පත් කළ ඇති අතර එහි සභාපති ලෙස ක්‍රීඩා සභාවේ සභාපති මිල්ටන් සමරසිංහ පත් කළ බව ද ඔහු පවසයි.
මෙම කමිටුවට කොළඹ විශ්වවිද්‍යාලයේ මහාචාර්ය රංජිත් බණ්ඩාර, ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් සමන් බණ්ඩාර, ක්‍රීඩා වෛද්‍ය ආයතනයේ අධ්‍යක්ෂ ජනරාල් වෛද්‍ය ලක්ෂ්මන් එදිරිසිංහ යන අයගේ ප්‍රධානත්වයෙන් ක්‍රියාත්මක වන බවයි අමාත්‍යවරයා සඳහන් කරන්නේ.
තමන් ක්‍රිකට් තේරීම්වලට හෝ ක්‍රිකට් කණ්ඩායමේ එදිනෙදා පරිපාලන කටයුතුවලට කිසිඳු ආකාරයකින් මැදිහත් නොවන බවයි ක්‍රීඩා අමාත්‍යවරයා දයාසිරි ජයසේකර වැඩි දුරටත් සඳහන් කළේ.
Facebook Comments
