උපවාසික දේශපාලන සිරකරුවන්ගේ ඉල්ලීම් ඉටු කරන තුරු සිය අධ්‍යන කටයුතු වලින් ඉවත් වන බව යාපනය විශ්ව විද්‍යාල දෙමළ ශිෂ්‍ය සංගමය පවසයි.
ජනාධිපතිවරයා සමඟ 19 බ්‍රහස්පතින්දා පැවති සාකච්ඡාව සාර්ථක නොවීම හේතුවෙන් මෙම තීරණය ගත් බව එම සංගම් නායක ක්‍රිෂ්ණ මේනන් සිලෝන් ජර්නල්ස් වෙත කියා සිටියේය.
යාපනය විශ්ව විද්‍යාලයේ සියලු පීඨයන් පන්ති වර්ජනය සඳහා සහාය පල කරන බවයි ඔහු පවසන්නේ.
අනුරාධපුරය වෙත මාරු කරන ලද දේශපාලන සිරකරුවන්ගේ නඩු නැවත වව්නියාව අධිකරණය වෙත හරවා යවන තුරු මෙම පන්ති වර්ජනය ක්‍රීයාත්මක කරන බවට යාපනය විශ්ව විද්‍යාල දෙමළ ශිෂ්‍ය සංගමය රජයට අනතුරු අඟවයි.
ආචාර්යවරුන්, විශ්ව විද්‍යාල කාර්ය මණ්ඩලය සහ අනධ්‍යන කාර්ය මණ්ඩලය සිය පන්ති වර්ජනය සහාය දක්වන බවයි සිසු නායකයා වැඩි දුරටත් පවසන්නේ.
මේ අතර තාවකාලිකව අදාළ නඩු අනුරාධපුරයට යවන ලෙසට ජනපති මෛත්‍රීපාල සිරිසේනගෙන් කරන ලද ඉල්ලීමට පිළිතුරක් නොලද බවට චෝදනා කරන උතුරු පලාත් සභා මන්ත්‍රී එම්.කේ. සිවාජිලංගම් 26 වන දිනටත් අඛණ්ඩව දේශපාලන සිරකරුවන් උපවාසයේ නිරත වන බව කියා සිටී.
Facebook Comments
