පසුගිය අගෝස්තු මස අගභාගයේදී මියන්මාර රඛයින් ප්‍රාන්තයේ හටගත් අර්බුදකාරී වාතාවරණයෙන් පසු මසක කාලයක් තුල අවම වශයෙන් රෝහින්ග්‍යාවරු 6700 ක් ඝාතනය වන්නට ඇතැයි ජාත්‍යන්තර මානව හිමිකම් සංවිධානයක් අවධාරණය කරයි.
බංග්ලාදේශයේ වෙසෙන රෝහින්ග්‍යා සරණාගතයන් පිළිබඳ සිදු කළ සමීක්ෂණයකට අනුව මෙඩ්සොන්ස් සොන්ස් ෆ්‍රොන්තියේ (MSF) රාජ්‍ය නොවන ආයතනය මේ බව සඳහන් කර තිබේ.
කෙසේ වෙතත් මියන්මාර බලධාරීන්ගේ සංඛ්‍යාලේඛනය වූ 400 ට වඩා උක්ත ප්‍රමාණය බෙහෙවින් ඉහල අගයක් ගනු ලැබේ.
බුරුම රජය විසින් සිදු කළ “මහා පරිමාණ ප්‍රචණ්ඩත්වයට මෙය පැහැදිලි නිදසුනක්” බව MSF සංවිධානය ප්‍රකාශ කරයි.
එසේම පසුගිය අගෝස්තු 25 සිට රෝහින්ග්‍යා වැසියන් හය ලක්ෂ හතලිස් හත් දහසකට වැඩි පිරිසක් බංග්ලාදේශයට පලා විත් ඇතැයි ඔවුන් වැඩිදුරටත් සඳහන් කර තිබේ.
Facebook Comments
