ශ්රී ලංකාවේ බිම් බෝම්බ භාවිතය තහනම් කෙරෙන ජාත්යන්තර සම්මුතියට එකඟ වන්නට ශ්රී ලංකාව තීරණය කර තිබේ.
පුද්ගල නාශක බිම් බෝම්බ පාවිච්චිය, ගබඩා කිරීම, නිෂ්පාදනය සහ ඔබමොබ ගෙනයාම තහනම් කිරීමට මෙන්ම ඒවා විනාශ කිරීමටද එකඟ වන ඔටාවා සම්මුතියට ශ්රී ලංකාව පාර්ශවකරුවකු වී ඇත.
“ශක්යතා ගොඩනැගීම සහ බිම් බෝම්බ ඉවත් කිරීම මගින් මෙම සම්මුතිය ප්රවර්ධනය කිරීමට පූර්ණ රාජ්ය පාර්ශවයක් ලෙස කටයුතු කිරීම අපේ අභිප්රායයි,” යනුවෙන් නිව්යෝර්ක් නුවර පිහිටි ශ්රී ලංකාවේ නිත්ය නියෝජිත රොහාන් පෙරේරා ප්රකාශ කළ බව රජය පවසයි.
බිම් බෝම්බ වලින් තොර ලොවකට කැපවෙමින් ශ්රී ලංකාව දෙසැම්බර් මස 13 වන ඔටාවා සම්මුතියේ 163 වැනි රාජ්ය පාර්ශ්වය ලෙස ඊට එක් විය.
මෙය ශ්රී ලංකාවට ඓතිහාසික අවස්ථාවක් යැයි පවසන විදේශ කටයුතු අමාත්යාංශය ලබන වසරේ ජුනි 01 වනදා සිට සම්මුතිය ශ්රී ලංකාවේ බලාත්මක කරන බවද නිවේදනය කරයි.
Facebook Comments
