පුරුෂයකුට ලබා දෙන වැටුපට සමාන වැටුපක් කාන්තාවටද ලබා දීමේ නව නීතිය මේ වසරේ මුල සිට ක්‍රීයාත්මක කිරීමට ස්ත්‍රී පුරුෂ සමානාත්මතාවය පිළිබඳව වැඩි අවධානයක් යොමු කරන අයිස්ලන්තය තීරණය කර තිබේ.
එම නීතිය අනුව 25 දෙනකුට වැඩි පිරිසක් සේවයේ යෙදෙන එරට රාජ්‍ය සහ පෞද්ගලික ආයතන සමාන වේතන ප්‍රතිපත්ති පිළිබඳ සහතිකයක් ලබා ගත යුතු අතර මෙම සහතිකය ලබා ගැනීමට අපොහොසත් වන ආයතන වලට ඒ වෙනුවෙන් දඩ මුදලක් ගෙවීමට ද සිදු වනු ඇත.
“ස්ත්‍රී පුරුෂ වැටුප් එක සමාන විය යුතු යැයි නීති පනවා දශක ගණනාවක් ගෙවී ගිය නමුත් එම පරතරය තවමත් අපි අතර තිබෙනවා,” යනුවෙන් අයිස්ලන්ත කාන්තා අයිතිවාසිකම් සංගමයේ කමිටු සාමාජික ඩැග්නි ඔස්ක් පින් අල්ජසීරා පුවත් සේවය වෙත පවසා තිබේ.
කාන්තා පුරුෂ වේතනය සමාන කිරීම සඳහා නීති පැනවූ ලොව පළමු රට ලෙස 2020 වනවිට වැටුප් අසමානතාව මුලින් උපුටා දැමීමට අයිස්ලන්ත ආණ්ඩුව සැලසුම් කර ඇත.
Facebook Comments
