යුද්ධය අවසන් වී අට අවුරුද්දක් ගතව ඇතත් හමුදාව විසින් කඳවුරු බැඳ සිටින දෙමළ ජනයාගේ අක්කර දහස් ගණනක ඉඩම් මුදා ගැනීමට මැදිහත් වන ලෙසට විපක්ෂ නායක ආර්. සම්බන්ධන් ශ්‍රී ලංකාවේ යුරෝපා සංගම් ප්‍රධානියෙකුගෙන් ඉල්ලා තිබේ.
හමුදා විසින් අත්පත් කර ගෙන සිටින දෙමළ ජනතාවගේ ඉඩම් නිදහස් කිරිම අඩු වේගයෙන් සිදු වන බවට ශ්‍රී ලංකාවේ යුරෝපා සංගම් දේශපාලන නියෝජිත පෝල් ගොඩ්ෆ්‍රී හමුවේ විපක්ෂ නායකවරයා සිය නොසතුට පළ කල බව දෙමළ ජාතික සන්ධානය නිකුත් කළ නිවේදනයක සඳහන් වේ.
තමන්ගේ ගම්බිම් නිදහස් කිරීම පමාවීම දෙමළ ජනතාව අතර කලකිරීමක් හා නොසන්සුන්තාවක් ජනිත කරන්නට හේතුවී ඇති බව ද ආර් සම්බන්ධන් කොළඹ පැවති හමුවේ දී අවධාරණය කර ඇත.
GSP+ සහනය ලබා ගැනීමේ දී දෙමළ ජනතාවට යුක්තිය ඉටුකිරීම සම්බන්ධයෙන් දුන් පොරොන්දු ඉටු කිරීම සඳහා “ආණ්ඩුව සමග සාධනීය අයුරින් ගනුදෙනු කරන” ලෙස විපක්ෂ නායකවරයා යුරෝපා සංගමයෙන් ඉල්ලා ඇති අතර ඉඩම් මුදාහැර උතුරේ ජන ජීවිතය නැවතත් යථා තත්වයට පත් කිරීමේ අවශ්‍යතාව ගැන යුරෝපා සංගමය පසුගිය සතියේ රජයට නැවතත් සිහිපත් කර දී තිබුනි.
මේ අතර ආණ්ඩුව විසින් නිකුත් කල නවතම සංඛ්‍යා ලේඛන වලට අනුව යුද්ධයෙන් උන්හිටි තැන් අහිමි වු හතලිස් දහසකට අධික ජනකායක් තවමත් තම මුල් ගමි බිම් වලට යා නොහැකිව සිටි.
Facebook Comments
