ජාතිවාදය එරෙහිව සංහිඳියාව ශක්තිමත් කරමින් යහපාලන රජය දිගටම පවත්වාගෙන යාම ජනාධිපතිවරයාගේ අභිලාෂය වී තිබේ.
මහින්ද රාජපක්ෂ පරාජය කරන ලද්දේ ජාතිවාදයට එරෙහි බලවේග බැවින් එම වරම ඉදිරියට ගෙන යා යුතු බව ජනාධිපතිවරයාගේ මතය බව ශ්‍රී ලංකා නිදහස් පක්ෂයේ ජ්‍යේෂ්ඨ ඇමැතිවරයෙකු සිලෝන් ජර්නල්ස් හා දුරකතනයෙන් සම්බන්ධ වෙමින් කියා සිටියේය.
“යහපාලන ආණ්ඩුව විතරක් නෙමේ ජාතිවාදයට විරුද්ධව සංහිඳියාව ශක්තිමත් කරන එක තමයි ජනාධිපතිතුමාගේ අපේක්ෂාව. අපි ඒ වෙනුවෙන් පෙනී ඉන්නවා” යි වාරිමාර්ග හා ජලසම්පත් කළමනාකරණ විජිත් විජයමුණි සොයිසා අවධාරණය කළේය.
2015 ජනවාරි 08 ජනවරම ශක්තිමත් කරමින් ජාතිවාදය පරදා බිහි කළ සම්මුතිවාදී රජය හරහා සංහිඳියාව ශක්තිමත් කිරිම ජනාධිපති මෛත්‍රීපාලගේ අභිලාෂය බැවින් පරාජිත ජාතිවාදි දේශපාලන බලවේග සමඟ ජනපති හවුල් නොවනු ඇති බවට ඇමැති විජිත් විජයමුණි සොයිසා දැඩිව විශ්වාසය පළ කර සිටියේය.
ජනපති මෛත්‍රීපාල සිරිසේන සහ අගමැති රනිල් වික්‍රමසිංහ 13 අඟහරුවාදා හමුවීමට පැමිණි ඇමරිකානු තානාපතිවරයා සහ ඉන්දීය මහ කොමසාරිස්වරයා ද යහපාලන රජය බලයට පත්වීමේදී මෙරට ජනතාවට සහ ජාත්‍යන්තරයට දුන් පොරොන්දු ක්‍රියාවේ යෙදවීම සමගි රජයේ වගකීම බව සිහිපත් කර දී තිබුණි.
Facebook Comments
