අපරාධකරුවන්ට දඬුවම් දෙන්න “ජනපති අගමැති පස්ස ගහන” බවට නි.ඇමැතිගෙන් චෝදනා (VIDEO)

0

රාජපක්ෂ පාලන සමයේ අතුරුදහන් කරවීම වලට සහ මිනිමැරීම් වලට සම්බන්ධ හමුදා බටයන් නීතිය ඉදිරියට ගෙන ඒමට ජනාධිපතිවරයා සහ අගමැතිවරයා “පස්ස ගහන” බවට ආණ්ඩුවේ නියෝජ්‍ය අමාත්‍යවරයෙක් චෝදනා කරයි.

“රණවිරුන් සහ මිනිමරුවන් කියල දෙකක් ඉන්නවා ඒ අය ඒ අය නීතිය ඉදිරියට ගේන්න ජනාධිපති තුමා සහ අගමැති තුමා පස්ස ගහනවා,” යි සමාජ සේවා සමාජ සුබසාධක හා සමාජ සවිබල ගැන්වීම් නියෝජ්‍ය අමාත්‍යවරයා මාධ්‍යවේදීන් හා කියා සිටියේය.

ජනපති සහ අගමැතිගේ අත පෙවීම මත මෙම අපරාධ යට ගොස් ඇති බවටයි ඇමැතිවරයා පෙන්වා දෙන්නේ.

නිතියේ වෙනසක්

හමුදා නිලධාරීන්ට සහ බෞද්ධ භික්ෂුන් ඇතුළු බලවතුන්ට එක් ආකාරයකටත් සමාන්‍ය ජනතාවට වෙතත් ආකාරයකටත් නීතිය ක්‍රියාත්මක වන බවට දොස් පැවරූ ඇමැති රන්ජන් ශ්‍රී ලංකාවේ නීති පද්ධතිය වෙනස් කළ යුතු බවට අවධාරණය කළේය.

“අවුරුදු තිහක් යුද්ධ කරපු රණවිරුවන්ට එක නීතියක්, ආගමික නායකයන්ට වෙන නීතියක්, දේශපාලකයන්ට වෙන නීතියක් සහ අඹගෙඩි හයක් හොරකම් කළ අය කෙළින්ම ඇතුලට දාන්න…” ආදී නිතියේ අසමානතා පෙන්වා දුන් ඇමැතිවරයා බලවතුන් හට බාධාවකින් තොරව සියල්ල කල හැකි බව කියා සිටියේය.

“ඒගොල්ලන්ට අතුරුදහන් කරන්න පුළුවන්, මිණී මරන්න පුළුවන්, ගෙවල් වලට ඇවිල්ලා වෙඩිතියන්න පුලුවන්, රත්තරන් හොරකම් කරන්න පුළුවන්.”

ප්‍රගීත් එක්නැලිගොඩ පැහැරගෙන යාමට අදාළ පරික්ෂණ සඳහා “නිර්භීත වී” අවශ්‍ය සහයෝගය ලබා දෙන ලෙසට හමුදාපති මහේෂ් සේනානායකගෙන් සමාජ සේවා සමාජ සුබසාධක හා සමාජ සවිබල ගැන්වීම් නියෝජ්‍ය අමාත්‍ය රන්ජන් රාමනායක වැඩි දුරටත් ඉල්ලා සිටියේය.

Facebook Comments

wedding people