ඕෂෝ සංවාදය සිංහලට හඳුන්වා දුන් ජෝ ගේ අවසන් කටයුතු හෙට

0

ඕෂෝ සංවාද පෙළ සිංහලට පරිවර්තනය කරමින් සිංහල පාඨකයාට එම සංවාද හඳුන්වා දීමේ පුරෝගාමියෙකු වු අභාවප්‍රප්ත ජෝ සෙනවිරත්නගේ අවසන් කටයුතු 24 සෙනසුරාදා බොරැල්ලේ දී සිදු කිරීමට කටයුතු යොදා තිබේ.

මාධ්‍යවේදියෙකු, පුවත්පත් කතුවරයෙකු, මානවවාදී දේශපාලන ක්‍රියාකාරිකයෙකු,විශිෂ්ට ග්‍රන්ථ පරිවර්තකයෙකු වු ජෝ සෙනවිරත්න හිටපු පළාත් සභා අමාත්‍යවරයෙකු ද වේ.

දශක පහකට ආසන්න කාලයක් දේශපාලනික සහ මාධ්‍ය කටයුතුවල නිරත වූ ඔහු පසුකාලීනව ඕෂෝ සංවාද පෙළ සිංහලට පරිවර්තනය කරන ලදී.

ජාතික ගැටළු‍ව තුළ වාමාංශික ක්‍රියාධරයෙකු ලෙස ජනවාර්ගික සංහිඳියාව උදෙසා පෙනී සිටි ‍ජෝ සෙනවිරත්න හැටේ දශකයේ මුල් භාගයේදී කොමියුනිස්ට් පක්ෂයෙන් දේශපාලනයට අවතීර්ණව , වෘත්තීය සටන් නායකයෙකු ලෙස ද කටයුතු කර ඇත.

පෙබරවාරි 23 වන සිකුරාදා උදෑසන 8.30 සිට 24 වන සෙනසුරාදා සවස දක්වා ජෝ සෙනවිරත්නගේ දේහය බොරැල්ල ජයරත්න අවමංගල්‍ය ශාලාවේ තැන්පත් කර තැබෙන අතර දේහය පිළිබඳ අවසාන කටයුතු සෙනසුරාදා(24) සවස 4 ට බොරැල්ල කණත්තේ දී සිදු කරන බව අවමංගල කමිටුව දැනුම් දෙයි.

Facebook Comments