ජනපති ගෙදර යවන්න තියෙන ලොකුම බාධකය අගමැති – ඇමැති මංගල

0

ඒකාබද්ධ විපක්ෂ විසින් අගමැතිවරයාට එරෙහිව ඉදිරිපත් කර ඇති විශ්වාස භංග යෝජනාව ජනාධිපතිවරයා ගෙදර යැවිමේ දේශපාලන කුමන්ත්‍රණයක පළමු පියවර බවට මුදල් හා ජනමාධ්‍ය ඇමැතිවරයා අනතුරු අඟවයි.

වසර විස්සකට පසුත් විපක්ෂයට ඇති දේශපාලන අභියෝගය අගමැති රනිල් වික්‍රමසිංහ බව විශ්වාස භංග යෝජනාව හරහා ඔප්පු වී ඇති බවට ඇමැති මංගල සමරවීර 04 බදාදා විශ්වාස භංග විවාදයට එක්වෙමින් පාර්ලිමේන්තුවේදී කියා සිටියේය.

“1999 වසරේ දී ගැහුවා පෝස්ටරයක් රනිල්ට බෑ කියලා. අපි රනිල්ට බෑ කියලා පෝස්ටරයක් ගැහුවේ,චන්ද්‍රිකා පත්වීමට තිබෙන අභියෝගය රනිල් කියලා දන්න නිසා, රනිල්ට පෝස්ටර් ගැහුවා. අවුරුදු 20කර පස්සෙත් පැහැදිළිව
පේනවා, මේ රටේ විපක්ෂයට තිබෙන දේශපාලන අභියෝගය රනිල් වික්‍රමසිංහ කියලා. මෙය ජනාධිපතිතුමාත් ඉලක්ක කරගත් විශ්වාසභංගයක්. දෝෂාභියෝගයක් ගෙනැල්ල ගෙදර යවන්න තියෙන බාධකය අග්‍රාමාත්‍යවරයා.” යි මංගල සමරවීර අමාත්‍යවරයා සඳහන් කළේය.

2014 වසරේදී මෛත්‍රීපාල සිරිසේන ජනාධිපති අපේක්ෂකයා ලෙස නම් කරන ලද අවස්ථාවේදී කිසිම කුහකකමක් නැතිව එම යෝජනාව එවක විපක්ෂ නායක රනිල් වික්‍රමසිංහ පිළිගත් ආකාරයද අමාත්‍යවරයා මෙහිදි සිහිපත් කළේය.

අගමැතිවරයා කුහක කමින් තොරව දිව රෑ නොබලා ජනපති පත් කිරීමට වෙහෙසුන බව කී ඇමැතිවරයා අනෙක් පක්ෂ සමඟ ද එකතු වී විශාලතම ප්‍රජාතන්ත්‍රවාදී බලවේගයට නායකත්වය දෙමින් 2015 දී රට විප්ලවයක් කර යොමු කල බව ද ප්‍රකාශ කළේය.

විශ්වාස භංගය හරහා අගමැතිවරයා දක්ෂ දේශපාලඥයෙක් ලෙස ඔප්පු වී හමාර බවයි මංගල සමරවීර ඇමැතිවරයා වැඩි දුරටත් පෙන්වා දෙන්නේ.

Facebook Comments