දෙමළ ඇතුළු අනෙකුත් සුළු ජන කොටස් හි අයිතිවාසිකම් නීතයානුකූලව නව ව්‍යවස්ථාව හරහා තහවුරු කිරීමට හැකි වු දිනයක මෙරට තුල ස්ථිරසාර සාමයක් සඳහා ශක්තිමත් පදනමක් ගොඩනැගෙනු ඇති බවට හිටපු ජනපතිනිය විශ්වාසය පළ කරයි.
උතුරු නැගෙනහිර සංවර්ධනය ඉදිරි වසර කිහිපය තුල යථා තත්ත්වය පත් වනු ඇතැයි පැවසු ජාතික සමගිය හා සංහිඳියා කාර්යාංශයේ සභාපතිනි හිටපු ජනපතිනි චන්ද්‍රිකා බණ්ඩාරනායක කුමාරතුංග දෙමළ ජනයා දිගු කලක් තිස්සේ සටන් වැඳි අයිතීන් ලබා නොදෙන තුරු ඉන් පලක් නොවන බවට අවධාරණය කළේය.
පිළිගත් බැංකු වලට අමතරව උතුරු නැගෙනහිර ඇති ක්ෂුද්‍ර මුල්‍ය සමාගම් විසින් එම ප්‍රදේශ වල ජනතාව රවටමින් අධික පොළියක් අය කරමින් සිටින බව ද හිටපු ජනපතිනිය 02 සඳුදා යාපනයේ අම්මාචී අවන්හල විවෘත කිරිමට එක්වෙමින් චෝදනා කළේය.
“කුඩා ෆිනෑන්ස් කම්පැනිස් නිකං කාක්කො වාගේ මෙහෙටා ඇවිල්ලා ජනතාව රවට්ටල සියයට 24, 25 පොළියට ණය දෙනවා කියලා අන්තිමට අවුරුද්දක් යනකොට සියයට 228 ගෙවල තියෙනවා මිනිස්සු” යැයි හිටපු ජනපතිනි චන්ද්‍රිකා බණ්ඩාරනායක කුමාරතුංග පැවසීය.
එවැනි මුල්‍ය සමාගම් හරහා ණය ගත් පුද්ගලයන්ට මාස 06 යනතුරු එම ණය නොගෙවන ලෙසට ශ්‍රී ලංකා මහ බැංකුව විසින් නීතියක් පනවා ඇති බව කී හිටපු ජනපතිනිය එම කාලය ඇතුලත රජය විසින් ණය බරෙන් මිදීමට වැඩසටහනක් සකස් කරන බවයි වැඩි දුරටත් කියා සිටියේ.
Facebook Comments
