ආණ්ඩුවේ තංහචි කඩමින් කම්කරුවෝ මැයි දිනය සමරති (PHOTO)

0

ලෝක කම්කරු දින නිවාඩු අවලංගු කරමින් ආණ්ඩුව දාමු තිබු තහංචි කඩමින් උතුරේත් දකුණේත් මැයි දින සැමරුම් මහත් හරසරින් පැවැත්වුහ.

වෘත්තිය සමිති විශාල ප්‍රමාණයක් එක්ව කොළඹ කොටුව දුම්රියපොළ ඉදිරිපිට සිට පෙලපාලියෙ ජනාධිපති ලේකම් කාර්යාලය අසල ගොස් එම ස්ථානයේදී සිය මැයි රැළිය පැවැත්විය.

“සටන් වදින මැයි රැලිය” යන තේමාව යටතේ කම්කරු වෘත්තීය සමිති එකමුතුව සිය මැයි රැළිය පවත්වන ලදී.

ජාතිවාදයට එරෙහිව නව සමසමාජ පක්ෂයේ ප්‍රධානත්වයෙන් පැවති මැයි දින රැලිය සඳහා පෙළපාලිය ආරම්භ වූයේ ද කොටුව දුම්රියපොළ ඉදිරිපිටිනි.

ජනතා විමුක්ති පෙරමුණ සියි මැයි රැළිය යාපනයේ පැවැත්වු අතර ජනතා විමුක්ති පෙරමුණේ නායකයන් අතරමගදී පිළිගත් දෙමළ ජාතික සන්ධානයේ පාර්ලිමේන්තු මන්ත්‍රී එම් ඒ සුමන්දිරන් ඔවුන් හා එක්ව පෙළපාලියේ ගමන් කළේය.

දෙමළ ජනතා විමුක්ති පෙරමුණද යාපනයේ පෙළපාලියෙන් ගොස් මැයි දින රැළියක් පැවැත්වූහ.

වසරකට වැඩි කාලයක් තිස්සේ අතුරුදහන් කරවන ලද තම දරුවන්ට යුක්තිය අයැද සිටින දෙමළ අම්මාවරු ද තම මැයි දිනය සමරමින් ආණ්ඩුවේ තහංචියට විරෝධය දැක්වීය.

දෙමළ ජාතික සන්ධානය යාපනයේ, ත්‍රිකුණාමලයේ සහ මඩකලපුවේ මැයි දින සමරු පවත්වා තිබේ.

සමාජ යුක්තිය හා සමානත්වය සඳහා වන සංවිධානයද යාපනයේ මැයි දින රැළියක් සංවිධානය කර තිබුනි.

මරදානනේ සිට පෙළපාලියේ පැමිණි පෙරටුගාමි සමජවාදි පක්ෂය සිය මැයි දින රැළිය කොටුව දුම්රිය පොළ ඉදිරිපිට පැවැත්වූයේය.

Facebook Comments

wedding people