පැහැදිලි හේතු තිබියදීත් හිටපු ආරක්ෂක ලේකම් ගෝඨාභය රාජපක්ෂ අත්අඩංගුවට ගැනීම වළක්වාලන්නේ ජනාධිපතිවරයා බවට ආචාර්ය වික්‍රමබාහු කරුණාරත්න චෝදනා කරයි.
ලසන්ත වික්‍රමතුංග ඇතුළු රාජපක්ෂ පාලන සමයේ දී මාධ්‍යවේදීන් හට අපරාධ කරන ලද පුද්ගලයන් අත්අඩංගුවට ගෙන එම පරික්ෂණ අවසන් කිරීමට ඉඩ නොදෙන්නේ ද ජනාධිපතිවරයා බවයි නව සම සමාජ පක්ෂ නායකයා පවසන්නේ.
ප්‍රජාතන්ත්‍රවාදී පාලනයක් ඇති කරන බවට පොරොන්දු දී බලයට පත්වු ජනපති මෛත්‍රීපාල සිරිසේන එම අදහස පාවා දී ඇති බවටයි ආචාර්ය වික්‍රබාහු කරුණාරත්න චෝදනා කරන්නේ.
“එතුමා අපිව පාවා දීල තියෙනවා. ප්‍රජාතන්ත්‍රවාදී පාලනයක්, සාධාරණ පාලනයක් ඇති කරනවා කියල ඇවිල්ලා ඒ අදහස් පාවා දීලා තමයි දැන් ඉන්නේ.” යි ආචාර්ය වික්‍රමබාහු කරුණාරත්න කොළඹ පැවති මාධ්‍ය හමුවක දී කියා සිටියේය.
රනිල් වික්‍රමසිංහ ඇතුළු පිරිස ජනාධිපතිවරයාගේ කණ්ඩායම සමඟ එක්ව යහපාලන රජය පවත්වාගෙන යාමට උත්සාහ කලද එය සාර්ථක වන බවක් පෙනෙන්නට නොමැති බවයි ඔහු පෙන්වා දෙන්නේ.
රාජපක්ෂ පාලනයේ අයුක්ති සහගත ක්‍රියාවන්ට විනිශ්චයක් නොඳී රට ඉදිරියට ගෙන යා නොහැකි බවයි නව සම සමාජ පක්ෂ නායකයා ආචාර්ය වික්‍රමබාහු කරුණාරත්න වැඩි දුරටත් අවධාරණය කරන්නේ.
Facebook Comments
