උතුරේ කාන්තාවන්ට වන හිංසාවන් නවත්වා දැමීමට වත්මන් පාලන අසමත් වීම සම්බන්ධව විලාප නැගු විජයකලා මහේෂ්වරන් මන්ත්‍රීවරියට පහර දෙන් එක්සත් ජාතික පක්ෂයේ පිරිස් ‘ගොන්නු’ ලෙසින් නව සම සමාජ පක්ෂ නායකයා දෝෂ දර්ශණයට ලක් කර තිබේ.
“එක්සත් ජාතික පක්ෂයේ ඉන්න සමහර ගොන්නු මේ කාන්තාවගේ විලාපය ගැන වැරදි අර්ථකතනයක් දෙන්න උත්සාහ කරලා තියෙනවා.” යි ආචාර්ය වික්‍රමබාහු කරුණාරත්න කොළඹ දී මාධ්‍ය අමතමින් කියා සිටියේය.
දරුවන්ට සහ ගැහැනුන්ට ආරක්ෂාව සහිතව උතුරු නැගෙනහිර නිදහසේ ජීවත්වීම සඳහා එල්ටීටීඊ සංවිධානයේ අවශ්‍යතාව මතුව ඇති බව ප්‍රකාශ කිරීම නිසා දකුණේ දැඩි විවේචනයට ලක්වීමෙන් අනතුරුව විජයකලා මහේෂ්වරන් සිය ළමා හා කාන්තා කටයුතු රාජ්‍ය අමාත්‍ය ධුරයෙන් ඉල්ලා අස්වීමේ බාරදීමට සිදු විය.
මන්ත්‍රීවරිය විසින් කොටි පාලනය හොඳයි පැවසීම විලාපයක් මිස අන් කිසිවක් නොවන බව කී ආචාර්ය වික්‍රමබාහු “දුක් විඳින ජනතාවගේ වේදනාවන් කියලා කෑ ගහන්න ගෑනියකුට අවසරයක් නැති රටක්ද මේක” යනුවෙන් ප්‍රශ්න කළේය.
විජයකලා මහේෂ්වරන් මන්ත්‍රීවරිය නැගූ විලාපය නවත්වා ලිය හැකි වන්නේ උතුරු පළාත් සභාවට පොලිස් බලතල දීමෙන් බව නවසමසමාජ පක්ෂයේ නායකයා ආචාර්ය වික්‍රමබාහු කරුණාරත්න වැඩි දුරටත් අවධාරණය කළේය.
Facebook Comments
