සම්මුතිවාදී ආණ්ඩුව සම්බන්ධයෙන් තීන්දු තීරණ ප්‍රකාශයට පත් කෙරෙන ආණ්ඩු පක්ෂ තීරණාත්මක හමුවක් ජනපති හා අගමැති ප්‍රධානත්වයෙන් අද (24) සවස අරලිය ගහ මන්දිරයේ පැවැත්වීමට නියමිතව ඇත.
මෙම හමුවට එක්වීම සියලු ආණ්ඩු පක්ෂ මන්ත්‍රීවරුන් හට අනිවාර්ය කර ඇති බවයි එක්සත් ජාතික පක්ෂ මන්ත්‍රීවරයෙක් සිලෝන් ජර්නල්ස් වෙත කියා සිටියේ.
යහපාලන රජයේ එජාප – ශ්‍රීලනිප ගිවිසුම සම්බන්ධයෙන් මෙම හමුවේදී ජනාධිපතිවරයා අදහස් දැක්වීමට නියමිතව ඇති බවද ආණ්ඩු පක්ෂ ආරංචි මාර්ග පවසයි.
පෙර පැවති ආණ්ඩු පක්ෂ රැස්විම් සඳහා එජාප මන්ත්‍රීවරුන් පමණක් සහභාගි වුවද අද පැවැත්වෙන රැස්වීමට යහපාලන රජයේ එජාප – ශ්‍රීලනිප සියලු මන්ත්‍රීවරුන් සහභාගී විමට නියමිත්ව ඇත.
Facebook Comments
