යහපාලන රජය විසින් මාධ්‍යයට ලබා දී ඇති මාධ්‍ය නිදහස නැති කර කදුළු සලන්න ලැහැස්ති වෙන්න එපා යැයි ජනාධිපතිවරයා ප්‍රකාශ කර තිබේ.
“අපිට ගහලා, දුර්වල කරලා , විනාශ කරලා , ඇද දමලා දුන්න ප්‍රජාතන්ත්‍රවාදය, නිදහස, මාධ්‍ය නිදහස නැති කරගෙන කදුළු සලන්න ලැහැස්ති වෙන්න එපා කියලා මාධ්‍ය ආයතනවලට මාධ්‍ය මිත්‍රයන්ට කාරුණිකව කියනවා.” යි ජනපති මෛත්‍රීපාල සිරිසේන 23 සඳුදා මොරගහකන්ද කළුගඟ රන්දියවර රැදවුම් මංගල්‍ය උත්සව සභාව අමතමින් කියා සිටියේය.
රටේ ප්‍රඡාතන්ත්‍රවාදය මිනිසුන්ගේ නිදහස ශක්තිමත් කළේ මාධ්‍ය නිදහස දුන්නේ සත්‍ය කතා කරන්නට බව කී ජනපති ඇතැම් ආණ්ඩු විරෝධී ප්‍රචාර බවයි පවසන්නේ.
මාධ්‍ය වල ප්‍රචාරය වන්නේ රට විනාශ වන ආකාරයේ පුවත් බව පෙන්වා දුන් ජනාධිපතිවරයා ඒ පිළිබඳව කණගාටු වන බවද ප්‍රකාශ කළේය.
“අද සමහර පෞද්ගලික මාධ්‍ය ප්‍රචාරය කරන්නන් අපේ කටින් පිටවන අවශ්‍ය දෙවල් නොවෙයි. අනවශ්‍ය දේවල් ආණ්ඩු ආණ්ඩු විරෝධී ප්‍රචාර සවසට රූපවාහනි ප්‍රවෘත්ති බැලුවම මේ රටේ ආණ්ඩුවක් නැති ගාණයි. මාධ්‍යවල තියෙන්නේ රට විනාශ වෙනවා කියන එකයි. මා මේ ගැන කනගාටුවෙනවා.මම රටේ ප්‍රඡාතන්ත්‍රවාදය මිනිසුන්ගේ නිදහස ශක්තිමත් කළේ මාධ්‍ය නිදහස දුන්නේ සත්‍ය කතා කරන්නටයි. නිවැරදි දේ ලෝකයාට දෙන්නයි.”
ආණ්ඩුවේ ක්‍රියාකාරකම් වලට නිසි ප්‍රචාරයක් නොදෙන මාධ්‍ය ආයතන වලට සහ රජය විවේචනය කරන මාධ්‍ය හට ලබා දී ඇති මාධ්‍ය නිදහස නැති නොකර ගන්නා ලෙස ජනාධිපති මෛත්‍රීපාල සිරිසේන වැඩි දුරටත් අනතුරු ඇඟවීය.
Facebook Comments
