යුද සමයේත් ඉන් පසුවත් අතුරුදහන් කරවන ලද උතුරු නැගෙනහිර පුද්ගලයන්ට අත්වූ ඉරණම හෙළි කර ගැනීම සඳහා උතුරු නැගෙනහිර මව්වරුන් විසින් කාර්යාලයක් විවෘත කර තිබේ.
මුලතිව් මව්වරුන් දින 500 ක් වීදියේ පවත්වාගෙන ගිය අඛණ්ඩ සත්‍යග්‍රහය නිම කිරීමෙන් අනතුරුව බලහත්කාරයෙන් අතුරුදහන් කරවන ලද්දන්ගේ ඥාතීන්ගේ සංගමයේ කාර්යාලය මුලතිව් නගරයේ උසාවි පාරේ විවෘත කරන ලදී.
මව්වරුන්ගේ සත්‍යග්‍රහය හමාර කළත් අතුරුදහන් තම සමීපතමයන් ගේ ඉරණම හෙළි කර ගන්නා තුරු අරගලය අත් නොහරින බවයි මව්වරුන් අවධාරණය කරන්නේ.
අත් අඩංගුවට ගන්නා ලද තම දරුවන්, පියවරුන්, සහෝදරවරුන් හා සැමියන් ඇතුළු නෑසියන් සම්බන්ධයෙන් යුක්තිය ඉටු නොකිරීම සම්බන්ධයෙන් රජය මව් සංගම් නායිකාවන්ගේ දෝෂ දර්ශනයට ලක්විය.
අතුරුදහන් කරවුවන් වෙනුවෙන් රට තුල යුක්තිය ඉටු වනු ඇතැයි විශ්වාස කළ නොහැකි හෙයින් ඥාතීන්ට එක්සත් ජාතීන්ගේ මානව හිමිකම් කොමිසම් හමුවට යන්නට සිදුවී ඇති බව ත්‍රිකුණාමලයේ අතුරුදහන් කරන ලද්දවුන්ගේ සංගමයේ සභාපතිනි සෙබස්තියන් දේවී කියා සිටියාය.
Facebook Comments
