දොළොස් වසරකට පෙර ගුවන් ප්‍රහාරයෙන් මරා දැමු දෙමළ දරුවන් සැම‍රේ

0
1741
wedding people
Loading...

ශ්‍රී ලංකා ගුවන් හමුදාව විසින් බෝම්බ හෙලීමෙන් සමුලඝාතනයට පත් පාසල් දැරියන් වෙනුවෙන් දොළොස් අවුරුද්දක් තිස්සේ යුක්තිය ඉටුවී නොවීම ගැන ඔවුන් වෙනුවෙන් පවත්වන ලද අනුස්මරණ සඳහා එක්වූ ඥාතීහු ශෝකය පල කළහ.

මුලතිව් දිස්ත්‍රික්කයේ වල්ලිපුනම් හි සෙන්චෝලේ අනාථ නිවාසයට 2006 අගෝස්තු 14 දා හෙලන ලද ශ්‍රී ලංකා ගුවන් හමුදා සුපර්සොනික් ප්‍රහාරක යානා බෝම්බ ප්‍රහාරයෙන් මරුමුවට පත්වූ වයස අවුරුදු 16ත් 18ත් අතර දැරියන් හැට එක් දෙනකු ඝාතනය විය.

මිය ගියවුවන් අනුස්මරණය කරමින් 14 අඟහරුවාදා මුලතිව් වලදී සහ යාපනය විශ්ව විද්‍යාලයේ පැවති සැමරුම් වලට අමතරව උතුරේ ස්ථාන කිහිපයකම අනුස්මරණ පවත්වන ලදී.

ගුවන් ප්‍රහාරයෙන් පසුව එවක ශ්‍රී ලංකා රජයේ ප්‍රකාශක කෙහෙළිය රඹුක්වැල්ල අමාත්‍යවරයා සෙන්චෝලේ එල්ටීටීඊ යුද පුහුණු කඳවුරක් බවට චෝදනා කරමින් ප්‍රකාශ කළේ එය යුක්ති සහගත ඉලක්කයක් බවයි.

කෙසේ වෙතත් ශ්‍රී ලංකා සටන් විරාම නිරීක්ෂණ කමිටුව සහ උතුරේ සේවය කළ එක්සත් ජාතීන් ඇතුළු සහන සේවා ගණනාවක් විසින් තහවුරු කරන ලද පරිදි සෙන්චෝලේ අනාථ නිවාසය යුද පුහුණුව සඳහා භාවිතා කළ බවට කිසිදු සාක්ෂියක් නැත.

එක්සත් ජාතීන්ගේ ළමා අරමුදලේ එවක කොළඹ ප්‍රධානී ජොආනා වැන්ගර්පන් කොළඹදී මාධ්‍යවේදීන් අමතා “මියගිය දරුවන් එල්ටීටීඊ සාමාජිකයන් සේ පිළිගැනීමට කිසිදු සාක්ෂියක් නැති” බව ප්‍රකාශ කල අතර සමූහ ඝාතනය සිදුවූ ස්ථානයට ගිය සටන් විරාම නිරීක්ෂණ කමිටුවේ ප්‍රධානී උල්ෆ් හෙන්රික්සන් ද එය තහවුරු කරමින් “අපට කිසිම හමුදා ස්ථාපනයක් හෝ ආයුධ හෝ තිබු බවට කිසිම සලකුණක් නෑ,” යි මාධ්‍යවේදීන්ට ප්‍රකාශ කළේය.

Facebook Comments

Loading...