ආණ්ඩුවේ අර්බුද වලට මෙන්ම ඩොලරයේ අර්බුදයටත් සාර්ථකව මුහුණ දෙනවා – අගමැති

0

පසුගිය වසර කිහිපය තුල අර්බුද ගණනාවකට මුහුණ දී ආණ්ඩුව ඉදිරියට පැමිණියාම සේම ඩොලරයේ අගය ඉහල යාමෙන් උද්ගතව තිබෙන අර්බුදයට සාර්ථකව මුහුණ දීමට අවශ්‍ය පියවර ගන්නා බව අගමැතිවරයා පවසයි.

ඩොලරයේ අගය ඉහල යාම රටේ ආර්ථිකයටත්, ගෙදර ආර්ථිකයටත් බලපා තිබෙන බව පෙන්වා දුන් අගමැති රනිල් වික්‍රමසිංහ එයට මුහුණ දීම සඳහා ගතයුතු පියවර පිළිබඳව දැනටමත් සාකච්ඡා ආරම්භ කර තිබෙන බවයි පවසන්නේ.

“දැන් අපට තිබෙන්නේ උද්ගතව ඇති ගෝලීය ආර්ථික අර්බුදයට මුහුණ දීමයි. එයට අපි සාර්ථකව මුහුණ දෙනවා. එයින් ඈත් වන්නේ හෝ පලා යන්නේ නැහැ.” යි අගමැතිවරයා 22 සෙනසුරාදා නාත්තන්ඩිය ලුර්දු මහා විද්‍යාලයේ සම්පත් මධ්‍යස්ථානය විවෘත කිරීමේ උත්සවයට සහභාගි වෙමින් කියා සිටියේය.

ණය ගන්නා අර්ථියකට හිමිකම් කීම නිසාවෙන් මෙම තත්ත්වයට අප රට මුහුණ දී සිටින බව කී අගමැතිවරයා අපනායන ආර්ථිකය කෙරෙහි වැඩි අවධානයක් යොමු කල යුතු බවයි පෙන්වා දෙන්නේ.

ගෝලීය අර්ථිකයේ අර්බුදයක් පැවතියද අධ්‍යාපනයට සහ සෞඛ්‍ය වෙනුවෙන් වෙන් කරන මුදල් අඩුකිරීමට අප බලාපොරොත්තුක් නොමැති බව ද අගමැති රනිල් වික්‍රමසිංහ වැඩි දුරටත් ප්‍රකාශ කළේය.

Facebook Comments

wedding people